Colombo Today Local News

‘අලුත් පරපුරට’ තඩි බෑ කමල් ඉන්දිකට ජනපතිගෙන් තෑගි.. සාලින්ද නෙරපා හිරියාල සංවිධායකකම දෙයි

ශ්‍රී ලංකා නිදහස් පක්ෂයේ හිරියාල ආසන සංවිධායක ධුරයෙන් පාර්ලිමේන්තු මන්ත්‍රී සාලින්ද දිසානායක මහතා ඉවත් කර වයඹ පළාත්සභා මන්ත්‍රී කමල් ඉන්දික මහතා ජනාධිපති මෛත්‍රීපාල සිරිසේන මහතා විසින් පත්කර ඇත.

ජනාධිපති සිරිසේන මහතා ප්‍රමුඛ යහපාලන රජය බලයට ගෙන ඒම සදහා දර දිය ඇද්ද ‘අලුත් පරපුර’ නමින් හදුන්වන සංවිධානය ජනාධිපතිවරණ සමයේදී ‘මුලාවෙන් මිදෙමු’ යන මැයෙන් කුරුණෑගල කුඹුක්ගැටේ නගරයේදී පැවැත්වූ රැළියකට පහරදීම සම්බන්ධයෙන් චෝදනාවට ලක්වූයේ පළාත් සභා මන්ත්‍රී කමල් ඉන්දික මහතාය.

මාධ්‍ය මගින් දැඩි ලෙස කතාබහට ලක්කළ එම පහරදීම ‘ප්‍රජාතන්ත්‍රවාදයට එරෙහිව’ කළ පහරදීමක් බවත්, එම සංස්කෘතිය වහාම වෙනස් කිරීමට යහපාලනය බලයට ගෙන ආයුතු බව පවසමින් මැතිවරණ අවස්ථාවේ, පැවති රාජපක්ෂ රජයට එරෙහිව ජනමතය ගොඩනැගීම සදහා යොදාගත් අතර යහපාලන රජය පත්වීමෙන් පසු පහරදීම සම්බන්ධයෙන් අදාළ පළාත් සභා මන්ත්‍රීවරයා ඇතුළු පිරිසට එරෙහිව අධිකරණ ක්‍රියාමාර්ගද ගෙන තිබිණි.

කෙසේ වෙතත් අදාල පත්කිරීම සම්බන්ධයෙන් අදහස් දැනගැනීම සදහා ‘අලුත් පරපුර’ සංවිධානයේ නිලධාරියෙකු සම්බන්ධ කරගැනීමට අප උත්සහා කළ අතර එවැනි අයෙක් සොයා ගැනීමට නොහැකි විය. කෙසේ වෙතත් අලුත් පරපුරට සම්බන්ධ වී යහපාලනය බලයට ගෙන ඒ සදහා ක්‍රියාකාරීව කටයුතු කළ තරුණ කලා කරුවෙකු අප සමග පැවසුවේ, “යහපාලනය බලයට ගෙන ඒමට තමන් වෙහෙසුනේ ලැබුණු ගතමනාවට පමණක්ම නොවන බවත්, පැවති රාජපක්ෂ පාලනයේ දුර්වලතා මගහැර රටතුළ සැබෑ යහපාලනයක් ගොඩනැගීමේ චේතනාවද තමන්ට තිබූණු බැවින් බවත්ය. එහෙත් දැන් යහපාලන සිහින මාළිගාව හිස මත කඩා වැටී නන්නත්තාරව සිටින බවත් යහපාලනයට එරෙහිව පොල්ල අතට ගනීමට කාලය පැමිණ ඇති බවත්” ඔහු වැඩිදුරටත් පැවසීය.

Related posts

ගාලු වරායේ පාවෙන අවි ගබඩාව : චෝදනා එල්ල වී සිටින ඇවන්ට් ගාඞ් සභාපතිට රට යන්න අවසර

colombotoday

අපි මේ රට අතහැර යන්නේ නෑ

Admin

කොවිඩ් කමිටුවෙන් තවත් වෛද්‍යවරයෙක් ඉවත්ව යයි

colombotoday

සිත කළකිරෙයි

Admin

ජනපති ප්‍රධානත්වයෙන් සර්වාගමික සමුළුව කොළඹදී !

colombotoday

කටුනායක ගුවන්තොට මාස 3ක් දවාලට වසයි.. ගුවන්යානා මත්තලට හරවයි

colombotoday