පූජ්‍ය මාදුළුවාවේ සෝභිත හිමිපාණන්ගේ අපවත්වීම සම්බන්ධයෙන් පශ්චාත් මරණ පරීක්ෂණයක් පැවැත්වීමට අපොහොසත් වීම පිළිබඳව වහාම පරීක්ෂණයක් සිදුකර තම අධිකරණයට වාර්තාවක් ඉදිරිපත් කරන ලෙසට කොළඹ ප්‍රධාන මහෙස්‌ත්‍රාත් ගිහාන් පිලපිටිය මහතා ඊයේ (4 වැනිදා) කොළඹ ජාතික රෝහලේ අධ්‍යක්‍ෂ අනිල් ජාසිංහ මහතාට නියෝගයක්‌ නිකුත් කළේය.
උඩුවේ ධම්මාලෝක හිමියන් විසින් කරන ලද පැමිණිල්ලක්‌ අනුව අපරාධ පරීක්‍ෂණ දෙපාර්තමේන්තුව විසින් ඉදිරිපත් කළ වාර්තාවක් සලකා බැලූ ප්‍රධාන මහෙස්‌ත්‍රාත්වරයා එම නියෝගය කළේය.
එම වාර්තාව සැකසීමේදී මාදුළුවාවේ සෝභිත හිමියන්ට ප්‍රතිකාර ලබාදුන් කොළඹ ජාතික රෝහල, සෙන්ට්‍රල් රෝහල, නෙවිල් ප්‍රනාන්දු රෝහල සහ සිංගප්පූරුවේ මවුන්ට්‌ එළිසබෙත් රෝහල්වලින් නිකුත් කර ඇති වෛද්‍ය වාර්තා හා ප්‍රතිකාර වාර්තා සැලකිල්ලට ගන්නා ලෙස ද නියෝග කළේය.