“අනාගතය ඇරඹුණා” තේමාව යටතේ සීගිරිය ගුවන් හමුදා කදවුරේ පැවැත්වෙන “යොවුන් පුරය” තරුණ කදවුර නිරීක්ෂණයට අගමැති රනිල් වික්‍රමසිංහ මහතා අද පැමිණියේය.
මීට වසර විසි හතකට පෙර අගමැතිවරයා යෞවන කටයුතු ඇමතිවරයා ලෙස කටයුතු කරන අවධියේ ඇරඹි යොවුන් පුරයේදී, අධ්‍යාපන ප්‍රදර්ශන, දේශන, පුහුණු වැඩසටහන්, තරුණ ක්‍රියාකාරකම් සහ නැටුම්, ගැයුම් ඇතුළු විනෝදාත්මක කටයුතු රැසක් සිදු කෙරේ. යොවුන් කුමරා සහ කුමරිය තේරීමද අද සිදුකෙරේ. තරුණ තරුණියන් සදහා නව අවස්ථා රැසක් උදාකරදීම මෙම වැඩසටහනේ අරමුණයි.
මෙවර එම වැඩ සටහන සදහා දෙස් විදෙස් තරුණ තරුණියන් පන්දහසක් පමණ සහභාගී වී සිටිති. වැඩසටහන අද නිමාවට පත්වන අතර ජනාධිපති මෛත්‍රිපාල සිරිසේන මහතා සමාප්ති උත්සවයට සහභාගී වීමට නියමිතය.
