විදෙස් රටක සිට මෙරටට එවා තිබූ මත්පෙති අඩංගු පාර්සල් කිහිපයක් මධ්‍යම තැපැල් හුවමාරුවේදී සොයාගෙන තිබේ.
අද (15) දහවල් මෙම මත්පෙති අඩංගු පාර්සල් සොයාගෙන ඇත.
අදාළ පාර්සල් නෙදර්ලන්තයේ සිට මෙරට කොළඹ පදිංචි පුද්ගලයෙකුගේ නමට එවා තිබුණි.
කෙසේවෙතත් මෙම පාර්සල් තුළ අඩංගු මත්පෙති ප්‍රමාණය හෝ එහි බර සම්බන්ධයෙන් මේ වනතෙක් තොරතුරු අනාවරණය වී නොමැත.
මේ අතර අදාළ පාර්සල ලබාගැනීම සඳහා මධ්‍යම තැපැල් හුවමාරුව වෙත පැමිණි පුද්ගලයෙකු පොලීසිය විසින් අත්අඩංගුවට ගෙන ඇත.
පොලිස් මත්ද්‍රව්‍ය නාශක කාර්යංශය මේ සම්බන්ධයෙන් වැඩිදුර විමර්ශන සිදුකරයි.
