උඩප්පුව කීරියන්කල්ලිය ප්‍රදේශයේ 15 හැවිරිදි බාලවයස්කාර දැරියක අපයෝජනයට කළ 43 හැවිරිදි පුද්ගලයකු සැකපිට අද (15)දින අත්අඩංගුවට ගත්බව උඩප්පුව පොලීසිය පවසයි.
මෙසේ අත්අඩංගුවට පත්ව ඇත්තේ එම ප්‍රදේශයේම පදිංචි තිදරු පියෙකි.
දැරිය සහ දැරියගේ මව රවටාගෙන මෙම පුද්ගලයා කලක පටන් මෙම නිවසට පැමිණ ඇති අතර මවට විවිධාකරයෙන් උදව් කර ඇති බව දැරිය පොලීසියට ලබාදුන් පැමිණිල්ලේ සඳහන් වේ.
දැරියගේ ශාරීරික වෙනස්කම් දැක ඒ පිළිබඳව විමසීමේදී දැරිය සැකකරු තමන්ට සිදුකළ අතවර පිළිබඳව දෙමව්පියන්ට පැවසීමෙන් පසුව පොලීසියට මෙම පැමිණිල්ල සිදුකර ඇත.
ඒ අනුව වහාම ක්‍රියාත්මක වූ උඩප්පුව පොලීසිය සැකකරු අත්අඩංගුවට ගෙන ඇති අතර වෛද්‍ය පරීක්ෂණයක් සඳහා දැරිය පුත්තලම රෝහලට ඇතුළත්කර ඇත.
සැකකරු අද (15)දින අධිකරණයට ඉදිරිපත් කිරීමට නියමිතය.