සිංහල අලුත් අවුරුද්ද වෙනුවෙන් රාජ්‍ය සේවකයන්ට ලබාදෙන උත්සව අත්තිකාරම් මුදල මේ මස වැටුප සමග ලබාදිය යුතු වුවත් මේ වනවිට වැටුප් ලබාදී තිබෙන කිසිදු රාජ්‍ය සේවකයෙකුගේ වැටුපට එම මුදල එකතුවී නොමැති බව රාජ්‍ය, පළාත් රාජ්‍ය හා රජයේ වෘත්තීය සමිති සන්ධානය සඳහන් කරයි.
සමාන වාරික 10 කින් අයකර ගැනීමේ පදනම මත මෙම මුදල ලබාදෙන බවත් රුපියල් දසදහසක අත්තිකාරම් මුදල ලබාදීම සඳහා මාර්තු 16 වැනි දින සකස් කළ වැටුප් වාර්තාවට එම මුදල ඇතුළත් කළත් රජයට මුදල් නොමැති බව සඳහන් කරමින් වැටුප් පත් තුළින් එම මුදල ඉවත් කර තිබෙන බවද එම සන්ධානය පෙන්වා දෙයි.විදුහල්පතිවරුන්ට, ගුරුවරුන්ට හා පාසල් අනධ්‍යයන සේවකයන්ට මේ වනවිට වැටුප් ලබාදී තිබේ.