ශ්‍රී ලංකාවේ යුද අපරාධ හා මනුෂ්‍යත්වට එරෙහි අපරාධ චෝදනා සම්බන්ධයෙන් ජාත්‍යන්තර පරීක්ෂණයක් සිදු කරන ලෙස ඉල්ලා යුරෝපය පුරා විසිරී සිටින ඊළාම්වාදී ඩයස්පොරා සාමාජිකයන් ස්විට්සර්ලන්තයේ ජිනීවා නුවර එක්සත් ජාතීන්ගේ මූලස්ථානය අභියසදී විරෝධතාවක නිරත වී ඇත.
මෙම උද්ඝෝෂකයෝ ප්‍රංශය, ජර්මනිය, නෙදරලන්තය, ඩෙන්මාර්කය, ස්වීඩනය, බ්‍රිතාන්‍ය හා උද්ඝෝෂණය පැවැත්වුණු ස්විට්සර්ලන්තයේ යුද අනාථයන් හා දෙමළ ඩයස්පෝරිකයන් නියෝජනය කරමින් පැමිණ සිටියහ.
එල්.ටී.ටී.ඊ ත්‍රස්තවාදීන්ගේ ලාංඡනය සහිත කොඩි සහ විරෝධතා සටන් පුවරු සහිතව සටන් පාථ කියමින් මෙම උද්ගෝෂණය පැවැත්වුණු අතර යුද අපරාධ චෝදනා සහ සෙසු සියලු චෝදනාවන්ට අදාල අභ්‍යන්තර පරීක්ෂණ තමන් ප්‍රතික්ෂේප කරන බවද ඔවුහූ පවසා ඇත.