World

කොවිඩ් වෛරසයේ මූලාරම්භය සෙවීමට නව කමිටුවක්

කොවිඩ් වසංගතයේ මූලාරම්භය සෙවීම සඳහා ලෝක සෞඛ්‍ය සංවිධානය තවත් විමර්ශන කමිටුවක් නම්කර තිබේ.

එය කමිටුව සාමාජිකයින් 26දෙනෙකුගෙන් සමන්විත වන අතර නම් කර ඇත්තේ සේගෝ (Sago) ලෙසය.

කොවිඩ් වෛරසය වූහාන් හි සත්ත්ව මාංශ වෙළෙඳපොළකදී සතුන්ගෙන් මිනිසා වෙත සම්ප්‍රේෂණය වූවාද, නැත්නම් වූහාන් හි විද්‍යාගාරයකින් කාන්දු වූවාද යන අනුමාන දෙකක් යටතේ එම කමිටුව පර්යේෂණ සිදුකරනු ඇත.

මීට පෙරද ලෝක සෞඛ්‍ය සංවිධානයේ එක් විමර්ශන කමිටුවක් වූහාන් වෙත පැමිණ විමර්ශනවල නිරතවූ අතර එහිදී අනාවරණය වුණේ වෛරසය කිසිසේත් විද්‍යාගාරයකින් කාන්දුවීමේ ඉඩක් නොමැති බවය.

කෙසේ වෙතත් නිසි නිගමනයකට පැමිණීමට ප්‍රමාණවත් සාක්ෂි ලැබී නැතැයි ඉන් අනතුරුව ලෝක සෞඛ්‍ය ප්‍රධානියා පැවසුවේය.

නව කමිටුව සැලකෙන්නේ වසංගතයේ මූලාරම්භය සෙවීම සම්බන්ධයෙන් ඇති අවසන් අවස්ථාව ලෙසය.

කොවිඩ් ගෝලීය වසංගතය පිළිබඳ පළමුවරට අනාවරණය වී මේ වන විට දෙවසරකට ආසන්න කාලයක් ගතවී තිබේ.

ලොව පළමු නිල කොවිඩ් රෝගියා වාර්තාවුණේ චීනයේ වූහාන් නගරයෙනි.

කෙසේ වෙතත් තවමත් එහි මූලාරම්භය සම්බන්ධයෙන් නිශ්චිත හඳුනාගැනීමක් සිදුකර නොමැති අතර තවමත් ඇත්තේ ඒ පිළිබඳ න්‍යායාත්මක කරුණු පැහැදිලිකිරීම් පමණය.

Related posts

සූවස් ඇළේ සිරවුණු නෞකාව ලෝක ආර්ථිකයත් සිර කරන ලකුණු

colombotoday

යුක්‍රේනයේ නගර රැසකට පහර දුන් රුසියාවේ දිගුදුර බෝම්බ ප්‍රහාරක යානයක් විනාශ කරයි

Admin

බ්‍රිතාන්‍ය රාජකීය ගුවන් හමුදාවෙන් දෙවන වරටත් ISIS ඉලක්ක වෙත දරුණු ප්‍රහාර (Video)

colombotoday

රෝහලට එල්ල වුණු ප්‍රහාරයෙන් පසුව හමාස් සටන්කාමීන් ප්‍රාණඇපකරුවන් මරයි

Admin

දෙවන ලෝක යුධ සමරුවේ, රුසියානු යුධ බලය පෙන්වයි

colombotoday

කොරෝනා වෛරසයෙන් ඉතාලියේ මියගිය සංඛ්‍යාව 2500ය ඉක්මවයි

colombotoday