ඉන්දියාවට එරෙහිව මිනිසුන්ට සල්ලි දීලා උද්ඝෝෂණ කිරීමෙන් වැඩක් වෙන්නේ නෑ. ඒවාට උත්තරේ මාර්තු මාසේ වෙනකොට මහජනතාවම දේවි. ඊට පස්සේ ඉන්දියාව, චීනය ඇතුළු හැම රටක් එක්කම අපිට සහයෝගයෙන් වැඩ කරන්න පුළුවන්‘ යැයි අගමැති රනිල් වික්‍රමසිංහ මහතා අද (16) බත්තරමුල්ලේ අපේගම පරිශ්‍රයේදී පැවසීය.
ශ්‍රී ලංකාවේ දුගී බව හා සෞඛ්‍ය පිළිබඳ ලෝක බැංකුවේ පර්යේෂකයන් සොයාගත් තොරතුරු වාර්තාව එළිදැක්වීමේ අවස්ථාවට ප්‍රධාන ආරාධිතා ලෙස එක්වෙමින් අගමැති වික්‍රමසිංහ මහතා එසේ කීවේය.
මිනිසුන් පාරට දමන අයට කියන්නේ අපට ද ඒ වගේ දසගුණයක් පාරට දැමීමට හැකියාව ඇති බවයි යනුවෙන් පැවසූ අගමැතිවරයා සදහන් කර සිටියේ මාධ්‍යයද ඒ වෙනුවෙන් නිකරුණේ කාලය වැය නොකළ යුතු බවයි.
ලෝක බැංකුවේ ශ්‍රී ලංකා නියෝජිත ෆ්‍රාන්සුවා ක්ලොට්, ජ්‍යෙෂ්ඨ ආර්ථිකවේදී ඩේවිඩ් නිව්හවුස් ද අමාත්‍යවරුන් වන එස්.බී.දිසානායක හා ආචාර්ය හර්ෂ ද සිල්වා ද එම අවස්ථාවට එක්වූහ.