ශ්‍රී ලංකා ක්‍රිකට් ක්‍රීඩකයන් තරග පාවාදීමේ සිද්ධීන් සදහා සම්බන්ධ දැයි පරීක්ෂණ සිදු කරන පොලිස් මුල්‍ය අපරාධ කොට්ඨාසය ටෙලි නාට්‍ය නිළියක් හා ටෙලි නාට්‍ය නිෂ්පාදිකවක් ගැනද සිය පරීක්ෂණ යොමු කර ඇතැයි වාර්තා වේ.
ඉකුත් අයි.පී.එල්. තරගාවලියේ මුම්බායිහි පැවැති අවසන් තරගය නැරඹීමට පසුගියදා වැඩ තහනම් කරනු ලැබූ ශ්‍රී ලංකා ක්‍රිකට් වේගපන්දු පුහුණුකරු අනූෂ සමරණායක සමඟ මේ නිළිය ඉන්දියාවට ගොස් ඇති බවටද තොරතුරු ලැබී ඇතැයි වාර්තා වේ.
එසේම, ජංගම දුරකථන ජාල සාමාගමක හිමිකරුවෙක් සමඟද මැය කිට්ටු සම්බන්ධතා පවත්වා ඇති බවටද තොරතුරු ලැබී ඇතැයි වාර්තා වේ.
කිසිදු මාධ්‍ය ආයතනයක සේවය කරන හෝ ක්‍රිකට් තරග ආවරණ කරනු ලබන මාධ්‍යවේදිනයක්ද නොවන නිළියක්වන නෙතූ ප්‍රියංගිකා ශ්‍රී ලංකා ක්‍රිකට්හි මාධ්‍ය අංශය විසින් මාධ්‍ය ආයතන සදහා නිකුත් කරනු ලබන මොටර් රථ ගාල් කිරීමේ අවසර පත්‍රයක් හා ශ්‍රී ලංකාව හා කොදෙව් අතර පන්දුවාර විස්සයි – 20 ක්‍රිකට් තරග සඳහා මාධ්‍යට ලබාදෙන ප්‍රවේශපත් කිහිපයක් අතතිව සිටින ඡායාරූපයක් සහ අනූෂ සමරණායක සමග සිටින ඡායාරූප කිහිපයක් පසුගිය දිනවල ඇයගේ ෆේස්බුක් ගිණුමේ පළකර තිබිණි.
