ඉන්දියාවේ ගංගා නදියේ පාවෙමින් ආ මළ සිරුරු කිහිපයක් ගං ඉවුරට ගොඩගසා ඇතැයි එරට මාධ්‍ය පවසයි.
බිහාර් සහ උත්තර් ප්‍රදේශ් ප්‍රාන්ත අතර එම මළ සිරුරු හමුවී තිබේ.
ඒ ආකාරයට මළ සිරුරු 40ක් පමණ ගොඩට පාවී තිබුණි.
මාධ්‍ය වර්තා පවසන්නේ එම සිරුරු කොවිඩ් ආසාදිතව මියගොස් ඇති පුද්ගලයින්ගේ බවය.
මෙම සිරුරු දින හයක් හෝ හතක් පමණ මෙලෙස ගසාගෙන එන්නට ඇති බවත් ඒවා බොහෝමයක් ජීර්ණය වීමට පටන්ගෙන තිබූ බවත් බලධාරීන් විසින් සඳහන් කර තිබුණි.
උත්තර් ප්‍රදේශ් ප්‍රාන්ත ජනතාව මියගිය පුද්ගලයින්ගේ සිරුරු ගංගා නදියේ ඉවුරේ තබා ආදාහනය කරනු ලබයි.
එවැනි සිරුරු නදියට එක් වෙන්නට ඇතැයි සමහරු පවසති.
මෙලෙස මෘත දේහයන් එක්වරම ගොඩ ගැසීම පිළිබඳව ඉන්දීය බලධාරීන් විසින් පරික්ෂණයක් ආරම්භ කර ඇති අතර ඔවුන් සැක පළ කරන්නේ මෙම සිරුරු බොහෝ විට ආදාහනය කර ගැනීමට හැකියාවක් නොතිබුණු හෝ භූමදානයට අවශ්‍ය ඉඩක් නොතිබීම මත මෙලෙස ගංඟා නම් ගඟට දමන්නට ඇති බවයි.
මෙම සිරුරු අතර කොරෝනා හේතුවෙන් මිය ගිය කුඩා දරුවන්ගේ ද සිරුරු ඇති බව මාධ්‍ය විසින් වාර්තා කර තිබූ දර්ශනවල දැකගත හැකිය.