මීගමුව කෙලින් වීදිය ප්‍රදේශයේ හෝටලයක පැවති පැති මත්පැන් සාදයකින් අනතුරුව එහි සූපවේදියකු පඩිපෙළකින් වැටී මිය ගොස් ඇතැයි පොලිසිය පවසයි.
මෙම හෝටලයට වසර දෙකක් සපිරීම නිමිත්තෙන් එහි කළමනාකාරීත්වය විසින් මත්පැන් සාදයක් පවත්වා ඇති අතර මත්පැන් සාදය අතරතුර මෙම සූපවේදියා ඔහු නවාතැන් ගෙන සිටි හතරවැනි මහලේ කාමරය වෙත පඩිපෙලෙන් නැග යමින් සිටියදී ඔහු පඩිපෙලෙන් වැටි හිසට බරපතළ තුවාල ලබා මියගොස් ඇතැයි පොලිසිය සඳහන් කරයි.
සිද්ධියෙන් මියගොස් ඇත්තේ වැලිමඩ ප්‍රදේශයේ පදිංචි 24 හැවිරිදි තරුණයෙකි. මීගමුව පොලිසිය සිද්ධිය සම්බන්ධයෙන් පරීක්ෂණ පවත්වයි