ලෝකයේ පළමු වතාවට සමාජ ජාලා හරහා අදහස් ලබා ගනිමින් 21 වන සියවසට ගැලපෙන ව්‍යවස්ථාවක් නිර්මාණය කරන බව අග්‍රමාත්‍ය රනිල් වික්‍රමසිංහ මහතා පවසයි.
නව ව්‍යවස්ථාව සැකසීම සම්බන්දයෙන් විශේෂ ප්‍රකාශක් කරමින් අග්රාමාත්යවරයා පැවසුවේ ඒ හරහා තරුණ පුද්ගලයින්ගේ අදහස් හා යෝජනවා නව ව්‍යවස්ථාව සදහා ලබා ගැනීමට හැකිවන බවයි.
එසේම ව්‍යවස්ථාව සම්බන්ධයෙන් ඇතැම් පුද්ගලයින් ඇතැම් මත ප්‍රකාශ කරත් තමාද නව ව්‍යස්ථාව අඩංගු කරුණු නොදන්නා බවත්, මේ වන විට ඒ සඳහා අදහස් විමසමින් සිටින බවද අගමැතිවරයා පෙන්වා දුන්නේය.
නව ව්‍යවස්ථාව සම්බන්ධයෙන් මේ වන විට මත ප්‍රකාශ කරන්නන් අතර හිටපු ඇමති ජී.එල් පීරිස් මහතා ඉදිරියෙන් සිටින බවත්, දේවදත්තට බුදුගුණ ගායනා කරන ලෙස කිසිදු පුද්ගලයෙක් නොකියන බවත් අගමැතිවරයා එහිදී කියා සිටියේය.
නව ව්‍යවස්ථාවෙන් රටේ ඒකීයභාවයට හෝ බුද්ධාගමට කිසිදු හානියක් නොවන බවද අග්රාමාත්යවරයා මෙහිදී පෙන්වා දුන්නේය.
එමෙන්ම නව ව්‍යවස්ථාව සම්මත කරගැනීම සදහා පාර්ලිමේන්තුවේ තුනෙන් දෙකේ බහුතරය අවශ්‍ය වන බවද ඒ සදහා සියළු පක්ෂවල සහය තමාට ලැබෙනු ඇති බවද අගමැතිවරයා විශ්වාසය පළකළේය.