මහනුවර, අස්ගිරිය දුම්රිය ස්ථානය අසලදී මහනුවර දෙස සිට මාතලේ දෙසට ධාවනය වූ දුම්රියක ගැටී ඊයේ (20) උදෑසන කාලයේ දැරියක මිය ගොස් තිබේ.
මියගිය දැරිය වයස අවුරුදු 16ක් වූ අම්පිටිය ප්‍රදේශයේ පදිංචිකාරියකි.
මියගිය දැරිය උපකාරක පන්තියකට සහභාගි වී නැවත නිවසට යමින් සිටියදී මෙම අනතුරට ලක්ව ඇති බවට සිදු කළ විමර්ශනයේදී අනාවරණය වී ඇත.
මෘත ශරීරය මහනුවර රෝහලේ මෘත ශරීරාගාරයේ තැන්පත් කර ඇත.
මහනුවර පොලිසිය වැඩිදුර විමර්ශන සිදු කරයි.