ඩයනා ගමගේ රාජ්‍ය අමාත්‍යවරියගේ පාර්ලිමේන්තු මන්ත්‍රී ධූරය අහෝසි කිරීමේ නියෝගයක් නිකුත් කරන ලෙස ඉල්ලා ගොනු කර ඇති රිට් පෙත්සම සලකා බැලීම ලබන 28 වන දා කැඳවන ලෙස අභියාචනාධිකරණය අද (18) නියෝග කර තිබේ.
ඒ, එම පෙත්සම සෝභිත රාජකරුණා සහ ධම්මික ගනේපොළ යන අභියාචනාධිකරණ විනිසුරු මඩුල්ල ඉදිරියේ සලකා බැලූ අවස්ථාවේදී ය.
එහිදී පෙත්සම ඉදිරිපත් කළ සමාජ ක්‍රියාකාරී ඕෂල හේරත් වෙනුවෙන් පෙනී සිටි නීතිඥ හෆීල් ෆාරිස් අධිකරණය හමුවේ කරුණු දක්වමින් සඳහන් කර ඇත්තේ, රාජ්‍ය අමාත්‍ය ඩයනා ගමගේ අනේවාසික තැනැත්තියක වන අතර, ශ්‍රී ලංකා පුරවැසිභාවය නොමැති ඇය මෙරට වගකිවයුතු ධූරයක් දැරීම නීතියට පටහැනි බව ය.