ප්‍රබල පාතාල කල්ලි සාමාජිකයෙකු වන චානුක තනානායක හෙවත් “අතුරුගිරියේ ලඩියා” ඉන්දියාවේදී අත්අඩංගුවට ගෙන තිබේ.
ඉන්දියාවේ බැංගලෝර් හිදි එරට කොයිම්බතූර් පොලීසියේ “කියු බ්‍රාන්ච්” අංශය විසින් ඔහුව අත්අඩංගුවට ගෙන ඇති බව වාර්තා වෙයි.
මොහු අපරාධ කල්ලි සාමාජික අංගොඩ ලොක්කාගේ සමීපතමයෙකු වන අතර ඔහුගෙන් පසු මෙරට මත්ද්‍රව්‍ය ජාවාරම සිදුකරගෙන ගිය ප්‍රබල සාමාජිකයෙකු ලෙසද සැලකේ.
ඔහු අත්අඩංගුවට ගන්නා අවස්ථාවේදී ඒ සමගම තවත් පුද්ගලයෙකුද අත්අඩංගුවට ගෙන ඇති බව ඉන්දීය මාධ්‍ය වාර්තා කළේය.
පසුව ඔහුගෙන් ප්‍රශ්න කර ප්‍රකාශ සටහන් කරගැනීමෙන් අනතුරුව අධිකරණයට ඉදිරිපත් කර රක්ෂිත බන්ධනාගාර ගත කර තිබේ.