ජාතික හැඳුනුම්පත් නිකුත් කිරීමේ සේවා ගාස්තු අද (01)දිනයේ සිට ඉහළ දමා තිබේ.
පළමුවරට ජාතික හැඳුනුම්පතක් ලබා ගැනීම සඳහා ඉදිරිපත් කරන අයැදුම් පත්‍රයකට අද (01) සිට රුපියල් 200 ක ගාස්තුවක් ගෙවිය යුතු බව පුද්ගලයන් ලියාපදිංචි කිරීමේ කොමසාරිස් ජනරාල් වියානි ගුණතිලක මහතා සඳහන් කරයි.
අවුරුදු 15ට එළැඹෙන ළමුන් මුල්වරට ජාතික හැඳුනුම්පත් ලබාගැනීම සඳහා ගෙවිය යුතු රුපියල් 100 ගාස්තුව රුපියල් 200 ක් දක්වා වැඩි කර ඇති බව පුද්ගලයින් ලියාපදිංචි කිරීමේ කොමසාරිස් ජනරාල් වියානි ගුණතිලක මහතා පවසයි.
නැතිවු හැඳුනුම්පතක් වෙනුවට අනුපිටපතක් ලබා ගැනීම සඳහා රුපියල් 500 ක්ව පැවැති ගාස්තුව රුපියල් 1000 ක් දක්වා වැඩිකර ඇති බව ඔහු සඳහන් කරයි.
සංශෝධිත පිටපතක් ලබා ගැනීම සඳහා රුපියල් 250ක්ව පැවැති ගාස්තුව රුපියල් 500 ක් දක්වා ඉහළ දමා තිබේ.
ඡායාරූපාගාර ලියාපදිංචි කිරීම සඳහා රුපියල් 15000 ක් ද අයකරන බව පුද්ගලයින් ලියාපදිංචි කිරීමේ දෙපාර්තමේන්තුව පවසයි.
ජාතික හැඳුනුම්පත් නිකුත් කිරීමේ සේවා ගාස්තු සංශෝධනය අද (01)දින ක්‍රියාත්මක වන බව පසුගිය 14 වැනි දා ගැසට් පත්‍රයක් නිකුත් කරමින් මහජන ආරක්ෂක අමාත්‍යාංශය සඳහන් කළේ ය.