සිරගතව සිටින පාර්ලිමේන්තු මන්ත්‍රී රංජන් රාමනායක මහතා වෙනුවෙන් විපක්ෂ නායක සජිත් ප්‍රේමදාස මහතා අද(10)දින පාර්ලිමේන්තුවට ගෙන ආ නිවාඩු යෝජනාව කථානායක මහින්ද යාපා අබේවර්ධන මහතා විසින් ප්‍රතික්ෂේප කරනු ලැබීය.
ශ්‍රේෂ්ඨාධිකරණය විසින් දඬුවම් ලබාදී ඇති මන්ත්‍රීවරයකු පාර්ලිමේන්තුවට කැඳවීමට තමාට හැකියාවක් නැති බවත් ඔහු වෙනුවෙන් නිවාඩු යෝජනා බාරගත නොහැකි බවත් කථානායකවරයා දැනුම් දුන් අතර මේ පිළිබඳ උසාවි තීන්දුව නුදුරේදීම ලැබෙන බැවින් ඒ වනතෙක් සිටින ලෙසත් දැනුම් දුන්නේය.
මේ අතර අභියාචනායක් ඉදිරිපත් කර ඇප මත සිටින ප්‍රේමලාල් ජයසේකර මන්ත්‍රීවරයා පාර්ලිමේන්තු කැඳවූයේ ඔහු දඬුවමක් විඳින අයකු නොවන බවත් රිමාන්ඩ් බාරයේ සිටින්නකු වන නිසා බවත් පැහැදිලි කරදුන් කථානායකවරයා ඒ පිළිබඳ කියමින් තමාට චෝදනා නොකරන ලෙසත් දන්වා සිටියේය.