බෙලරුසියානු මානව හිමිකම් ක්‍රියාකාරියෙකුට හා යුක්රේන හා රුසියානු මානව හිමිකම් සංවිධාන දෙකක් වෙත 2022 නොබෙල් සාම ත්‍යාගය හිමිවී තිබේ.
ඒ අනුව බෙලරුසියාවේ ආලෙස් බියලියැට්ස්කි සහ රුසියාවේ ‘මෙමෝරියල්’ හා යුක්‍රේනයේ ‘සෙන්ටර් ෆෝ සිවිල් ලිබටීස්’ යන මානව හිමිකම් සංවිධාන වෙත නොබෙල් සාම ත්‍යාගය හිමිවන බව නෝවේජියානු නොබෙල් කමිටුව අද (07)දින නිවේදනය කළේය.
තම රටේ සාමය හා ප්‍රජාතන්ත්‍රවාදය වෙනුවෙන් කැපවී කටයුතු කළ අයෙකු ලෙස නොබෙල් කමිටුව විසින් හඳුනාගත් ආලෙස් බියලියැට්ස්කි උද්ඝෝෂණයක් අතුරතුර අත්අඩංගුවට පත්වී මේ වනවිට රැඳවුම් භාරයේ පසුවන අයෙකු බව සඳහන්ය.
රුසියානු හා යුක්රේන මානව හිමිකම් සංවිධාන වෙත මෙවර නොබෙල් සාම ත්‍යාගය හිමිවී ඇත්තේ යුද අපරාධ, මානව හිමිකම් උල්ලංඝනය කිරීම් හා බලය අවභාවිතය යන කරුණු සම්බන්ධයෙන් වාර්තා කිරීමට ගත් උත්සහය වෙනුවෙන් බව වාර්තා වෙයි.