පකිස්තානයෙන් ප්‍රහාරක ජෙට් ගුවන් යානා අටක් මිලට ගැනීමට ශ්‍රී ලංකා රජය එකඟ වී තිබේ.
අගමැති නවාස් ෂරීෆ් දිවයිනට පැමින සිටින අවස්ථාවේ ඒ සඳහා ද්වි පාර්ශවික ගිවිසුමකට එළැඹි බව ඔහු සමග වන ආරක්ෂක බලධාරීන් පකිස්තාන මාධ්‍යවේදීන්ට හෙලි කර තිබේ.
පලමු අදියරේ දී චීන-පකිස්තාන් හවුල් නිෂ්පාදනයක් වන JF17 තන්ඩර් යානා අටක් විකිනීමට නියමිතය.
පකිස්තාන අගමැති වරයාගේ ශ්‍රී ලංකා සංචාරයේදී මෙම වෙළෙඳාම සිදු කෙරෙනු ඇති බව අප මීට ඉහතදී වාර්තා කළේය.
ප්‍රහාරක යානා සඳහා දැරෙන වියදම හෝ ඒවා මිලට ගන්නා බව හෝ ශ්‍රී ලංකා රජය පකිස්තානය සමග එළැඹි ගිවිසුම් ප්‍රකාශයට පත් කරද්දී හෙලිකොට නොතිබිනි.
