ගුවන් සේවා සැපයීම වෙනුවෙන් ශ්‍රී ලංකා ගුවන් හමුදාවට රාජ්‍ය ආයතනවලින් රුපියල් ලක්ෂ 90 කට අධික මුදලක් අය විය යුතුව පවතින බව අමාත්‍ය චමල් රාජපක්ෂ මහතා පවසයි.
වාචික පිළිතුරු අපේක්ෂාවෙන් පාර්ලිමේන්තු මන්ත්‍රී හේෂා විතානගේ මහතා අග්‍රාමාත්‍යවරයාට යොමු කරන ලද ප්‍රශ්නයකට පිළිතුරු දෙමින් චමල් රාජපක්ෂ අමාත්‍යවරයා එම අදහස් පළ කළේය.
“රාජ්‍ය අමාත්‍යාංශ, රාජ්‍ය ආයතන 10ක් ගුවන් සේවා පහසුකම් ලබාගෙන තියෙනවා. ඒ සඳහා රු 9,061,406.70ක වියදමක් දරන්න සිදුවෙලා තියෙනවා. මේ මුදල් අයකර ගැනීමට ගුවන් හමුදාව ගත්ත පියවර රාශියක් තියෙනවා. විවිධ අපහසුතාවයන් හේතුවෙන් අදාළ හිඟ මුදල් ගෙවීමට හැකියාවක් නොමැති බව ඇතැම් අමාත්‍යාංශවලින් මේ වන විට ගුවන් හමුදාවට දැනුවත් කරලා තියෙනවා.“
මේ අතර පොදු ව්‍යාපාර පිළිබඳ කාරක සභාව හෙවත් කෝප් කමිටුවේ නවවන සැසිවාරයේ පළමු වාර්තාව අද පාර්ලිමේන්තුවට ඉදිරිපත් කළේය.
ඒ කෝප් කමිටු සභාපති මහාචාර්ය චරිත හේරත් මහතා විසිනි.