රට ශක්තිමත් කළ සැණින් ජනපති මැතිවරණ වැලක් ලබාදෙනු ඇතැයි එක්සත් ජාතික පක්ෂයේ සභාපති පාර්ලිමේන්තු මන්ත්‍රී වජිර අබෙිවර්ධන මහතා මාධ්‍ය හමුවක දී අද(13)දින පැවසීය.
මීට මාස කිහිපයකට පෙර බොහෝ දේශපාලකයන් ඉල්ලුවේ ඡන්ද නොව හැංගෙන්න තැනක් බව කී වජිර අබේවර්ධන මහතා රනිල් වික්‍රමසිංහ මහතා රට බාර ගෙන කෙටි කාලයක් ඇතුළත රට යම් සාමාන්‍යකරණ තත්ත්වයකට රැගෙන පැමිණ තිබෙන බව ද සඳහන් කළේය.
දැන් අවශ්‍ය වන්නේ මැතිවරණයක් නොව රට ජාතික මාවතකට ගැනීම සඳහා අරගලයක් බව කී වජිර අබේවර්ධන මහතා මේ මොහොතේ මැතිවරණ ඉල්ලීම යනු රට නැවත කුණු බක්කියට ඇද දැමීම බවද සඳහන් කළේය.
වැටුණු රට අනිවාර්යයෙන්ම ලබන අප්‍රේල් මාසය වන විට ජනාධිපතිවරයා විසින් ඔසවා තබනු ඇති බව කී අබේවර්ධන මහතා ඊට පසු රට මෙලෙස වැටෙන්නට හේතු සොයා ආණ්ඩුක්‍රම ව්‍යවස්ථාවෙන්ම එම හේතු ඉවත් කළ යුතුව තිබෙන බවද සඳහන් කළේය.