ගැබිනි මව්වරුන් අතර කොරෝනා ව්‍යාප්තිය ඉහළ ගොස් ඇතැයි සෞඛ්‍ය අමාත්‍යාංශය පවසයි.
පවුල් සෞඛ්‍ය කාර්යාංශයේ අධ්‍යක්ෂිකා වි‍ශේෂඥ වෛද්‍ය චිත්‍රමාලි ද සිල්වා මහත්මිය සඳහන් කළේ, ගැබිනි මව්වරුන් වහාම කොවිඩ් මර්දන එන්නත් ලබා ගත යුතු බවය.
යම් හෙයකින් ගැබිනි මවකට කොරෝනා වෛරසය වැළඳුණහොත්, සාමාන්‍ය පුද්ගලයෙකුට වෛරසය වැළඳීම මෙන් නොව වැඩි සංකූලතාවලට මුහුණ දිය හැකි බව වි‍ශේෂඥ වෛද්‍ය චිත්‍රමාලි ද සිල්වා මහත්මිය සඳහන් කළා ය.
මේ නිසා ගැබිනි මව්වරුන් රෝගයෙන් ආරක්ෂා වීම ඉතා වැදගත් බව පෙන්වා දුන් වෛද්‍යවරිය, ඒ සඳහා ගැබිනි මව්වරු කොවිඩ් මර්දන එන්නත් ලබා ගත යුතු බවත් පෙන්වා දුන්නා ය.