දෙවිනුවර ප‍්‍රදේශයේදී මත්ද්‍රව්‍ය සන්තකයේ තබාගෙන සිටි තරුණයෙකු ගන්දර පොලීසිය විසින් අත්අඩංගුවට ගෙන තිබේ.
ඔහු සතුව තිබී හෙරොයින් ග‍්‍රෑම් එකයි මිලිග‍්‍රෑම් 50 ක්, හෂීස් ග‍්‍රෑම් 15 ක්, ගංජා ග‍්‍රෑම් 85 ක් සහ මත්පෙති 15 ක් සොයාගත් බව පොලීසිය පවසයි.
මෙලෙස අත්අඩංගුවට ගෙන ඇත්තේ දෙවිනුවර පදිංචි වයස අවුරුදු 23 ක් වන තරුණයෙක්.
ගන්දර පොලීසියට ලද තොරතුරක් මත සිදුකළ වැටලීමකදීයි ඔහු අත්අඩංගුවට ගෙන ඇත. සැකකරු මාතර මහේස්ත‍්‍රාත් අධිකරණයට අද ඉදිරිපත් කිරීමට නියමිතයි.