සිය සේවය නිමවා නිවස කරා යමින් සිටි පොලිස් නිලධාරිනියකගේ ගෙල බැඳි රන් මාලය හා පෙන්ඩනය කිසියම් අයෙකු විසින් කඩාගෙන යාමේ පුවතක් රුවන්වැල්ල පොලිසියෙන් වාර්තා වෙයි.
මෙම සිදුවීමට මුහුණ දී ඇත්තේ රුවන්වැල්ල පොලිසියේ සේවයේ නියුතු බුලත්කොහුපිටිය තන්නිමලේ ප්‍රදේශයේ පදිංචි පොලිස් නිලධාරිනියකි.
ඇය ඉකුත්දා (11 වැනිදා) සේවය නිම කොට යතුරුපැදියෙන් නිවස බලා පැමිණෙමින් සිටියදී බුලත්කොහුපිටිය රුවන්වැල්ල මාර්ගයේ හුදකලා ප්‍රදේශයක් වන හාතාගොඩ දී ඇගේ පසු පසින් යතුරුපැදියකින් පැමිණි අයෙකු මෙම පැහැරගැනීම සිදු කර ඇති බව පොලිසිය කියයි.
සැකකරු අත්අඩංගුවට ගැනීමට රුවන්වැල්ල පොලිසිය පරීක්ෂණ පවත්වයි.