Colombo Today Local News

සූදු ක්‍රීඩාවේ යෙදුණු පොදුජන පෙරමුණේ ප්‍රාදේශීය සභා මන්ත්‍රීවරයෙක් අත්අඩංගුවට

සූදු ක්‍රීඩාවේ නිරත වූ නවගත්තේගම ප්‍රාදේශීය සභාවේ මන්ත්‍රීවරයෙකු පොලිස් අත්අඩංගුවට පත්ව තිබේ.

ඔහු ශ්‍රී පොදුජන පෙරමුණ නියෝජනය කරන මන්ත්‍රීවරයෙකි.

ඔහු මීට පෙර අවස්ථා කිහිපයකදීම සූදු ක්‍රීඩාවේ නිරතවෙමින් සිටියදී අත්අඩංගුවට පත්වී ඇති බව පොලීසිය සඳහන් කළේය.

මේ අතර, ගතවූ පැය 24 ක කාලය තුළ ‍ක්‍රියාත්මක කළ විශේෂ වැටලීම්වලින් මත්ද්‍රව්‍ය සමග පුද්ගලයින් රැසක් පොලිස් අත්අඩංගුවට පත්ව තිබේ.

මාලිගාවත්ත මහල් නිවාස සංකීර්ණය අසළ සැකකටයුතු ලෙස හැසිරුනු පුද්ගලයින් දෙදෙනෙකු දෙමටගොඩ පොලීසිය මගින් පරීක්ෂාකර ඇති අතර ඔවුන් සතුව තිබී හෙරොයින් ග්‍රෑම් 90යි මිලිග්‍රෑම් 360ක් සොයාගෙන තිබේ.

මොවුන් මහා පරිමාණ කුඩු ජාවාරම්කරුවන් සමග සම්බන්ධතා පවත්වන බවට පොලීසිය සැක පළ කරන අතර දෙමටගොඩ පොලීසිය මගින් වැඩිදුර පරීක්ෂණ ක්‍රියාත්මකයි.

එමෙන්ම රුපියල් ලක්ෂ 3 කට අධික වටිනාකමකින් යුත් අයිස් මත්ද්‍රව්‍ය මිලිග්‍රෑම් දසදහසක් සහ හෙරොයින් මිලිග්‍රෑම් 2100ක් සමග පුද්ගලයින් දෙදෙනෙක් ගල්කිස්ස පොලිස් අපරාධ විමර්ශන කාර්යාංශය විසින් ඊයේ පස්වරුවේ දෙහිවල දී අත්අඩංගුවට ගෙන තිබේ.

සැකකරුවන් දෙහිවල ඕබන් සහ කවුඩාන ප්‍රදේශවල පදිංචි 25 සහ 35 යන වයස්වල පසුවන අය බව වාර්තා වේ.

Related posts

හාල් නැව කුණාටුවකට අහුවුණොත් ප්‍රමාද වෙන්න පුලුවන්

Admin

කබ්රාල්ගේ විදෙස් ගමන් තහනම යළි දීර්ඝ කෙරේ

colombotoday

කුකුළේ ගඟ හා කුඩා ගඟේ ජල මට්ටම ඉහළට – ගංවතුර අවදානමක් ගැන අනතුරු ඇගවීම්

colombotoday

මැතිවරණ කොමිසමට අලුත් මුහුණක්

Admin

වැල්ලම්පිටිය ලක්සඳ සෙවණ මහල් නිවාස සංකීර්ණයෙන් ඇද වැටී පුද්ගලයෙක් මරුට

colombotoday

රටේ නීතිය නිසි අයුරින් ක්‍රියාත්මක කිරීමට රජය මැදිහත්වෙනවා

colombotoday