Colombo Today Local News

සියළුම පොලිස් ස්ථානවලට අනියුක්ත නිලධාරීන් ගැන වාර්තාවක් කැඳවයි

දිවයිනේ සියළුම පොලිස් ස්ථානවලට අනියුක්ත පොලිස් නිලධාරීන් සම්බන්ධයෙන් ජාතික පොලිස් කොමිසම, වැඩ බලන පොලිස්පතිවරයාගෙන් වාර්තාවක් කැඳවා තිබේ.

එක් – එක් පොලිස් ස්ථානවලට අවශ්‍ය කරන නිලධාරීන් ගණන සහ එක් – එක් පොලිස් ස්ථානවල රාජකාරී කරන නිලධාරීන් සම්බන්ධයෙන් ජාතික පොලිස් කොමිසම තොරතුරු ඉල්ලා ඇති බවයි වාර්තා වන්නේ.

දිවයින පුරා පොලිස් ස්ථාන 489 ක් පවතින අතර ඇතැම් ස්ථානවල නිලධාරීන් අතිරික්තයක් පවතින බවත්, ඇතැම් පොලිස් ස්ථානවල නිලධාරීන් හිඟයක් පවතින බවටත් තොරතුරු වාර්තාවෙයි.

ඇතැම් පොලිස් ස්ථානවලට නිලධාරීන් විශාල පිරිසක් අනියුක්ත කර සිටිය ද, ඔවුන්ගෙන් වැඩි පිරිසක් විශේෂ රාජකාරීවලට යොදවා තිබේ. සිය පහසුව සඳහා ඇතැම් පොලිස් නිලධාරීන් තමන් පදිංචි ප‍්‍රදේශවලම විශේෂ රාජකාරී සඳහා යොමු වීමට උත්සාහ දරණ බවයි වැඩිදුරටත් වාර්තා වන්නේ.

මෙම තත්ත්වයන් හේතුවෙන් ඇතැම් පොලිස් ස්ථානවල සාමාන්‍ය කටයුතු සිදු කරගෙන යාම අපහසු වී තිබේ. ඉහත තත්ත්වයන් සැලකිල්ලට ගනිමිනුයි ජාතික පොලිස් කොමිසම අදාළ වාර්තාව ඉල්ලා ඇත්තේ.

ඒ අනුව ජාතික පොලිස් කොමිසම ඉල්ලා ඇති වාර්තාව සකස් කිරීම වැඩ බලන පොලිස්පතිවරයා විසින්, සබරගමුව පළාත භාර ජ්‍යෙෂ්ඨ නියෝජ්‍ය පොලිස්පති එල්. එස්. පතිනායක වෙත පවරා ඇති බව ද වැඩිදුරටත් වාර්තා විය.

Related posts

බස්වල කෑලි ගලවන එක යුක්තිය මෙහෙයුම වගේ

Admin

“සත්‍ය සෙවීමේ කොමිසම සැප්තැම්බරයේ එනවා.. වැරදිකරුවන් සොයා දඩුවම් දෙනවා” – විදේශ ඇමති

colombotoday

අර්ජුන් ඇලෝසියස් ආගිය අතක් නෑ !!

colombotoday

දෙමළ ජනතාවගේ ජාතික නායකයා වේළුපිල්ලේ ප්‍රභාකරන් පමණයි අපි මියගිය කොටි සාමාජිකයින් සැමදා සමරනවා- සිවාජිලිංගම්

colombotoday

මහින්දට, ගෝඨාභයට හමුදා ප්‍රධානීන්ට ‘‘අතුරුදන්වූවන්ගේ පනත“ හරහා එතෙරදී නඩු… චෝදනාව සමූලඝාතන

colombotoday

ක්‍රිකට් ක්‍රීඩක ධනුෂ්ක ට එරෙහි නඩුව කල්යයි

Admin