Colombo Today Local News

විදෙස්ගත ශ්‍රී ලාංකීකයින් ගෙන ඒම ලබන සත‍ියේ සිට

මෙරටට පැමිණීමේ බලාපොරොත්තුවෙන් විදේශ රටවල රැඳී සිටින ශ්‍රී ලාංකිකයන් ගෙන්වා ගැනීම ලබන සතියේ සිට ආරම්භ කිරීමට කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථාන ප්‍රධානී යුදහමුදාපති ශවේන්ද්‍ර සිල්වා මහතා එකඟතාව පළ කළ බව ශ්‍රී ලංකා විදේශ සේවා නියුක්ති කාර්යංශයේ මාධ්‍ය ප්‍රකාශක මංගල රන්දෙනිය මහතා පැවැසීය.

එහි දී කොරියාවේ හා මැද පෙරදිග රැඳී සිටින පිරිස් පළමුවෙන් ගෙන්වා ගැනීමට බලා‍පොරොත්තු වන බව ද රන්දෙනිය මහතා පැවැසීය.

විශේෂයෙන් කොරියාවේ රැකියා සඳහා යාමට පිරිසක් සිටින බැවින් එහි සිටින පිරිස් ගෙන්වා ගැනීම ඉක්මන් කළ යුතුව ඇතැයි ද ඔහු කියා සිටියේය.

එමෙන්ම මැදපෙරදිග රටවල රැකියා අහිමිව සිටින අය ද ඉක්මණින් ගෙන්වා ගත යුතු බව කී කාර්යංශ මාධ්‍ය ප්‍රකාශකවරයා වඩාත් ප්‍රමුඛතාව දිය යුතු පිරිස්වලට ප්‍රමුඛතාව දෙමින් ඔවුන් ගෙන්වා ගන්නා බවද කීය.

මේ වනවිට කොවිඩ් වෛරසය පැතිර යාම හේතුවෙන් රැකියා අහිමි වූ පිරිස් මෙන්ම ගිවිසුම් ගත රැකියා කාලය ඉක්ම යාම හේතුවෙන් මව්රටට පැමිණීමට බලාප‍ොරොත්තුවෙන් සිටින පිරිස් ද එහි ඇති බවත් යම් යම් අසනීප තත්ත්වයන් ඇති අය මෙනම තව දුරටත් රැඳී සිටීමෙන් දඩ මුදල්වලට යටත් වීමට ඉඩ ඇති අය ද ඉක්මණින් ගෙන්වා ගත යුතු යැයි ද හෙතෙම සදහන් කළේය.

Related posts

ළමා නිවාසයක සිටි දැරියන් පස්දෙනෙකු පලා ගිහින්

Admin

ඥානසාර හිමිට හිමිවූ ජනාධිපති සමාව බල රහිත කරන්නැයි ඉල්ලා ශ්‍රේෂ්ඨාධිකරණයට පෙත්සමක්

colombotoday

අලුත් අවුරුදු දා කොළඹ වටලා විරෝධතා

colombotoday

රනිල් අගමැතිකමින් ඉල්ලා අස්වෙයි… අස්වීමේ ලිපිය ජනපතිට යවයි !

colombotoday

අයවැය ප්‍රකාශය : ග්‍රාමීය පාසල් පහසුකම් දියුණු කිරීමට මිලියන 200 ක්. ත්‍රාසජනක ක්‍රීඩා ප්‍රවර්ධනය කිරීමට යෝජනා

Admin

“ක්‍රිකට් හොරු ගැන එන සතියේ හෙළිකරනවා.. රටම පුදුම කරනවා” – රන්ජන්

colombotoday