ව්‍යවස්ථාදායක සභාව මෙම සතිය අගදී රැස්විමට නියමිතව තිබේ.
ඒ අනුව ලබන සිකුරාදා දිනයේදී ව්‍යවස්ථාදායක සභාවේ සියළු සාමාජිකයින් මුණගැසි සාකච්ඡා කිරිමට නියමිත බව නියෝජ්‍ය කථානායක තිලංග සුමතිපාල මහතා අද දෙරණ කළ විමසීමකදී සඳහන් කළේය.
කොමිෂන් සභා සඳහා කොමසාරිස්වරු පත් කිරීමට මේ වන විට අයදුම්පත් කැඳවා ඇති අතර ඒ සඳහා අයදුම්පත් සැලකිය යුතු ප්‍රමාණයක් ලැබි ඇති බව වාර්තා වේ.
ඒ අනුව ව්‍යවස්ථාදායක සභාවේ සිවිල් සාමාජිකයින් තිදෙනා විසින් මෙම අයදුම්පත් සකස් කිරීමේ කටයුතු මේ වන විට සිදු කරමින් සිටින බව සඳ‍හන්ය.
ලබන සිකුරාදා දිනයේ රැස්වන ව්‍යවස්ථාදායක සභාව සඳහා මෙම නම් ඉදිරිපත් කර ඊට අදාළ නිර්දේශ ලබා ගැනිමට නියමිතව තිබේ.
අනතුරුව අදාළ කොමිෂන් සභා සඳහා කොමසාරිස්වරු පත් කරනු ඇති බව වාර්තා වේ