Colombo Today Local NewsCovid 19

වවුනියාව, මහකච්චකොඩිය ගම්මානය හුදකලා කරයි

කොවිඩ් – 19 වෛරසය ආසාදනයවූ අයකු වවුනියාව ,මහකච්චකොඩිය ගම්මානයෙන් වාර්තාවීමත් සමඟ එම ගම්මානය ඊයේ (27) දිනයේ සිට හුදකලා කිරීමට පියවර ගත් බව වවුනියාව දිස්ත්‍රික් ලේකම් සමන් බන්දුසේන මහතා පවසයි.

එම ගම්මානයට ඇතුල්වන සියලු මාර්ග මාර්ග බාධක යොදා දින 14 කාලයක් අවහිරකර ආරක්ෂක අංශ හා පොලිසිය යෙදවීමටද කටයුතු කළ බවත් එම ගම්මානයේ පුද්ගලයින්ගේ ඇඳිරිනීති බලපත්‍ර සියල්ල අවලංගු කිරීමට පියවර ගත් බවද දිස්ත්‍රික් ලේකම්වරයා පැවසීය.

වැලිසර නාවික හමුදා කඳවුරේ සිට නිවාඩු ලබා පැමිණි වවුනියාව , මහකච්චකොඩිය ප්‍රදේශයේ නාවික හමුදා සෙබලෙකු හට සිදුකළ පී.සී.ආර්. පරීක්ෂණයේදී කොවිඩ් 19 වෛරසය ආසාදනයවී ඇති බවට තහවුරුවීමත් සමඟ ඊයේ දිනයේ වවුනියාව දිස්ත්‍රික් ලේකම් සමන් බන්දුසේන මහතාගේ ප්‍රධානත්වයෙන් යුත් කොරෝනා වෛරස මර්ධන කමිටුව විසින් මෙම තීරණය ගෙන තිබේ.

වවුනියාව නාවික හමුදා සෙබලා හට කොවිඩ් 19 වෛරසය ඇතිදැයි පරීක්ෂා කිරිමට පී.සී.ආර් පරීක්ෂණය සඳහා වවුනියාව මහජන සෞඛ්‍ය පරීක්ෂකවරුන් හා සෞඛ්‍ය කාර්ය මණ්ඩල නිලධාරීන් පිරිසක් නාවික හමුදා භටයා රැදී සිටින නිවසටගොස් ජෛව සාම්පල ලබාගැනීම ඉකුත්දා (25) සවස සිදුකළ අතර එහි වාර්තාව පෙරේදා(26) ලැබී තිබුණි.

පරීක්ෂණයට යොමුකළ නාවික හමුදා සෙබලා පසුගිය 22 වැනිදා වැලිසර නාවික හමුදා කඳවුරෙන් නිවාඩු ලබා පැමිණ ඇති අතර ඔහු සංචාරය කළ ස්ථාන අනුව මෙම තීරණය ගෙන ඇති අතර ඔහු හා සමීප සබඳතා පැවැත්වූ පුද්ගලයින් දින 21 කාලයක් නිරෝධායනයට ලක්කල බව මහජන සෞඛ්‍ය පරීක්ෂක කාර්යාලය පැවසීය.

මහකච්චකොඩිය ගම්මානය සඳහා ඇතුළුවීමට අවසර ඇත්තේ සෞඛ්‍ය සේවා සහ අත්‍යවශ්‍ය සේවා පමණක් වන අතර ඔවුන්ද විෂබීජහරණයට ලක්කොට ඇතුළුවීමට හා පිටවීමට කටයුතු සලස්වා ඇති බවද වවුනියාව දිස්ත්‍රික් ලේකම්වරයා වැඩිදුරටත් පැවසීය.

Related posts

පාන් හැර අනෙකුත් සියලු බේකරි නිෂ්පාදනවල මිල ඉහළට

colombotoday

මන්නා පිහියකින් පියාට පහරදෙන්න ආ පුද්ගලයා ව පුතා ඝාතනය කරයි

colombotoday

අගමැති ඉල්ලීමට ජනපති එකගයි.. හමුදාපතිට සේවා දිගුවක් දෙයි.. හමුදාව ඇතුලෙන්ම විරෝධයක්!

colombotoday

අද ගෑස් බෙදා හරින මධ්‍යස්ථාන මෙන්න

colombotoday

වසර 40ක් පුරා මෙරට ජනාධිපතිවරුන් භාවිතා කළ වෙඩි නොවදින කාර් මුහුදේ ගිල්වයි

colombotoday

මැයි 09 වැනිදා අරගලකරුවන්ට එල්ල ප්‍රහාරයේ වින්දිතයන්ට පොලිසිය වන්දි ගෙවිය යුතුයි… මානව හිමිකම් කොමිසමෙන් නිර්දේශ

colombotoday