විධායක ජනාධිපති ක්‍රමය තුළින් රට ඉතා සීඝ්‍රයෙන් දියුණු කළ හැකි බව තමන්ගේ පෞද්ගලික මතය බව කම්කරු, වෘත්තීය සබඳතා සහ සමාජ සවිබල ගැන්වීම් අමාත්‍ය දයා ගමගේ මහතා පවසනවා.
සිය අමාත්‍යංශයේ පැවැති උත්සවයකට සහභාගී වීමෙන් අනතුරුව මාධ්‍යවේදීන් නැගු ප්‍රශ්නවලට පිළිතුරු දෙමින් අමාත්‍යවරයා මෙම අදහස් පළ කළා.
රට තුළ යහපත් තීන්දු තීරණ ක්‍රියාත්මක කිරීම සඳහා විධායක ජනාධිපතිධූරයේ බලතල භාවිත කළ බව කිසිවෙක් අමතක නොකළ යුතු බවයි දයා ගමගේ මහතා එහිදී පෙන්වා දුන්නේ.
මෙරට ආණ්ඩුක්‍රම ව්‍යවස්ථාව 19 වරක් සංශෝධනය වී ඇති බවත් එය ජනතාවගේ යහපත වෙනුවෙන් සිදු කළ යුතු බවත් අමාත්‍යවරයා මාධ්‍යවේදීන් නැගු ප්‍රශ්නවලට පිළිතුරු දෙමින් වැඩිදුරටත් ප්‍රකාශ කර තිබෙනවා.