Colombo Today Local News

රජයේ නිලධාරිනියන්ට සාරිය අනිවාර්යයි

රජයේ ආයතනවල සේවය කරන සියලුම නිලධාරිනියන්ට සාරිය හෝ ඔසරියකින් සැරසී රාජකාරියේ යෙදීම අනිවාර්ය කරමින් රාජ්‍ය පරිපාලන අමාත්‍යාංශය චක්‍ර‍ලේඛයක් නිකුත් කර තිබේ.

එකී චක්‍ර‍ලේඛයට අනුව රජයේ නිලධාරීන් ජාතික ඇඳුමෙන් හෝ කලිසමක් හා කමිසයකින් සැරසී සේවයට පැමිණිය යුතුය. රජයේ සේවයේ නියුතු ගර්භණී කාන්තාවන්ට පහසු හා සුදුසු ඇඳුමකින් සැරසී පැමිණිය හැකි බවද එම චක්‍ර‍ලේඛයේ සඳහන් කර තිබේ.

දැනටමත් නිල ඇඳුමක් අඳින හෝ නිල ඇඳුම් දීමනා ලබන පුද්ගලයින් එකී නිල ඇඳුමෙන්ම රාජකාරියේ යෙදී සිටිය යුතුය.

එමෙන්ම සේවා ලබා ගැනීමට රජයේ ආයතන වෙත පැමිණෙන්නන් තමන් පැහැදිලි ලෙස හඳුනාගත හැකි අයුරින් පැමිණෙන ලෙස දන්වා සිටීමට ආයතන ප්‍රධානීන් විසින් පියවර ගත යුතු බවද එකී චක්‍ර‍ලේඛයේ වැඩිදුරටත් සඳහන් කර ඇත.

රජයට අයත් කාර්යාල පරීශ්‍රවල ආරක්ෂාව තහවුරු කිරීමට මෙම තීරණය ගෙන තිබේ.

රාජ්‍ය පරිපාලන හා ආපදා කළමනාකරණ අමාත්‍යාංශ ‍ලේකම් ජේ. ජේ. රත්නසිරිගේ අත්සනින් යුතුව සියලුම රාජ්‍ය ආයතන වෙත මෙම චක්‍ර‍ලේඛය නිකුත් කර තිබේ.

Related posts

පොලිසියේ ලොකු පුටු රැසක බල වෙනසක්

Charith Sankalpana

“ජනමත විචාරනයකට යන අලුත් ව්‍යවස්ථාවකට මෛත්‍රීට ජනවරමක් නෑ“ – එස් බී

colombotoday

තජුඩීන් නැවතත් කරළියට.. පරීක්ෂණ ඉක්මන් වෙයි.. CIDයට අධිකරණයෙන් නියෝගයක් !

colombotoday

සජබ මන්ත්‍රීවරු රෝස පටි පලදියි.

colombotoday

‘මෙවර අයවැයෙන් ජනතාවට කිසිම සහනයක් නැහැ..’

Admin

කොරෝනා ගැන බොරු ප්‍රචාර සිදුකිරීම වසර 5ක සිර දඬුවම් ලැබිය හැකි වරදක්

colombotoday