Colombo Today Local News

යුද හමුදාවේ දෙවනි පුටුව මේජර් ජනරාල් ශවේද්‍රන්ද සිල්වාට…

ශ්‍රී ලංකා යුද හමුදාවේ මාණ්ඩලික ප්‍රධානී ලෙස මේජර් ජනරාල් ශවේන්ද්‍ර සිල්වා මහතා පත්කොට තිබේ. ඔහු 53 වැනි යුද හමුදා මාණ්ඩලික ප්‍රධානී වෙයි.

ශ්‍රි ලංකා යුද හමුදාවේ දෙවැනි ඉහළම පුටුව වන්නේ මාණ්ඩලික ප්‍රධානී තනතුරයි. පසුගිය මානුෂීය මෙහෙයුම් සමයේදී ඔහු විශිෂ්ඨ සේවයක් කළ රණවිරුවෙක් ලෙස ශවේන්ද්‍ර සිල්වා මහතා පිළිගැනේ.

වීර වික්‍රම පදක්කම, රණ වික්‍රම පදක්කම, උත්තම සේවා පදක්කම යන පදක්කම්වලින් පිදුම් ලබා ඇති ශවේන්ද්‍ර සිල්වා මහතා 1984 වසරේදී කැඩෙට් නිලධාරියෙක් ලෙස සේවයට එක්ව තිබේ.

ගජබා දෙපාර්තමේන්තුවට දෙවැනි ලුතිනන්වරයෙක් ලෙස අධිකාරී ලබා ඇති ශවේන්ද්‍ර සිල්වා මහතා පසුව කොමාන්ඩේ පාඨමාලාව සම්පූර්ණ කරමින් එම දෙපාර්තමේන්තුවට එක්ව තිබේ.

මානුෂීය මෙහෙයුම් සමයේදී 58 වැනි සේනාංකයට නායකත්වය දෙමින් සහල් නැලිය, වෙඩිතල්තිව්, නාච්චිකුඩා, මුලංගාවිල්, පුනරින්, කිලිනොච්චි, පරන්තන්, අලිමංකඩ, ධර්මපුරම්, විශ්වමඩු, පුදුමාතලන්, වෙල්ලමුල්ලි වෛක්කාල්, කරයමුල්ලි වෛයික්කාල් යන එල්.ටී.ටී.ඊ. බලකොටු විනාශ කිරිමට කටයුතු කළේය.

2010 වසරේදී එක්සත් ජාතීන්ගේ සංවිධානයේ නියොජ්‍ය නිත්‍ය නේවාසික ලෙස කටයුතු කළේය. සක්‍රීය ආරක්ෂක සේවයේ නිරත පුද්ගලයෙක් එවැනි තනතුරකට පත්වූ පළමු අවස්ථාව ලෙසද එය සැලකෙයි.

ශවේන්ද්‍ර සිල්වා මහතා ශ්‍රී ලංකා යුද හමුදා ඉතිහාසය තුළ අණදෙන නිලධාරී තනතුරට පත්වූ ළාබාලම නිලධාරියේ ලෙසත් වාර්තා අතරට එක්ව තිබේ.

Related posts

දහවල් බූස්ටර් එන්නත ලබා ගත් යුද හමුදා කෝප්‍රල්වරයකු රාත්‍රියේ ඇදවැටී මියගිහින්

colombotoday

මඩකලපුවෙන් අත්බෝම්බ 24ක් සොයා ගැනේ

colombotoday

බස් රථයක් ඇළකට පෙරළී 18ක් රෝහලේ

colombotoday

නව මැතිවරණ කොමිසමට හිටපු තිදෙනාම නැහැ

colombotoday

කටුනායක ගුවන්තොටුපොළ ආරක්ෂාවට සුනඛ කණ්ඩායමක්

colombotoday

මෙරට පාසල්වල ඉන්නා ළමයින් ගණන හරියටම දන්නේ නෑ – අධ්‍යාපන ඇමති

colombotoday