Colombo Today Local News

මැති සබේදී වයසක මනමාල ඇමතිලාගෙන් මන්ත්‍රීවරියන්ට ලිංගික හිරිහැර !

naaki manamalayoපාර්ලිමේන්තු පරිශ්‍රය තුළදී කාන්තා මන්ත්‍රීවරියන් කිහිප දෙනකුට ලිංගික හිංසන සිදුකිරීම සම්බන්ධයෙන් චෝදනා එල්ල වීමත් සමග සියලුම පාර්ලිමේන්තු මන්ත්‍රීවරුන්ට පාර්ලිමේන්තුව තුළදී ඉතා විනය ගරුකව හැසිරෙන ලෙසට රජයේ ඉහළම බලධාරීන් සහ දේශපාලන පක්ෂ මගින් අවවාද කර ඇති බව පාර්ලිමේන්තු ආරංචි මාර්ග සඳහන් කරයි.

පාර්ලිමේන්තුවේ සිටින ‍‍‍ජ්‍යෙෂ්ඨ මෙන්ම වයෝවෘද්ධ මන්ත්‍රීවරුන් කිහිප දෙනකු විසින් මන්ත්‍රීවරියන් කිහිප දෙනකු අසීරුතාවට පත්වන ආකාරයෙන් යම් යම් කටයුතු සහ කරන ලද ප්‍රකාශ පිළිබඳව පාර්ලිමේන්තුවේ බලධාරීන් වෙත කරන ලද පැමිණිලිවලින් පසුව මෙම පියවර ගෙන ඇති බවද මෙම ආරංචි මාර්ග තවදුරටත් සඳහන් කළේය.

මේ අනුව එක්තරා තරුණ මන්ත්‍රීවරියක් සඳහන් කර ඇත්තේ ඉතා වයෝවෘද්ධ මන්ත්‍රීවරයකු තමන්ගේ අත නිරන්තරයෙන් ඇල්ලීමට උත්සාහ කරන බවත් අදාළ මන්ත්‍රීවරයා පසුකර යන සෑම අවස්ථාවකදීම ඔහු තමන්ට අත දිගු කර අතට අත දී ආචාර කිරීමට දැඩි උනන්දුවක් දක්වන බවත්ය.

එමෙන්ම තවත් මන්ත්‍රීවරියන් කිහිපදෙනකුම මන්ත්‍රීවරුන් සහ අමාත්‍යවරුන් කිහිප දෙනෙකුගෙන් සිදුවන හිංසන පිළිබඳව පැමිණිලි කර ඇති අතර ඔවුන් ඉතා අසභ්‍ය ලෙස එම මන්ත්‍රීවරියන්ගේ අඟපසඟ පිළිබඳ විහිළු කරන බවද එම මන්ත්‍රීවරියන්ට පාර්ලිමේන්තුව තුළදී සහ ඉන් පිටදී මෙම පිරිස් උසුළු විසුළු කරන බවද සඳහන්ය.

හැත්තෑපස් හැවිරිදි අමාත්‍යවරයකු ඉකුත් 12දා පාර්ලිමේන්තු පුස්තකාලය අසලදී මන්ත්‍රීවරියකට ඉතා අසභ්‍ය ලෙස විහිළු කිරීමත් සමග එම මන්ත්‍රීවරිය දැඩි ලෙස කෝපයට පත්වූ බවද සඳහන් වේ.

කෙසේ වෙතත් තරුණ මන්ත්‍රීවරුන් ඉතා විනයගරුකව පාර්ලිමේන්තුවේ හැසිරෙන බවද ඒ අනුව වයස්ගත මන්ත්‍රීවරුන්ට සාපේක්ෂව තරුණ මන්ත්‍රීවරුන්ගේ හැසිරීම යහපත් මට්ටමින් පැවතීම ගැනද මෙම මන්ත්‍රීවරියන් ප්‍රශංසා කර තිබේ.

ප්‍රසාද් ගුණවර්ධන
– රිවිර

Related posts

වසන්තගෙන් මූලික අයිතිවාසිකම් කඩවුනැයි පෙත්සමක්

colombotoday

පුරවිද්‍යා නිලධාරීන්ට නොපෙනෙන වල්වැදී වැනසී යන පුරාවිද්‍යා උරුමය – සංකපාලයේ සෙන්පති ඵුස්සදේව සොහොන

colombotoday

රටක කඳුළු පිසදැමූ පියෙකුගේ නෙතට කඳුළු ගලනවා දුටුවෙමු !

colombotoday

පාර්ලිමේන්තුවට ඇතුල්වෙන සියලු මන්ත්‍රීවරු ආරක්ෂක අංශ පරික්ෂා කරයි

colombotoday

අගවිනිසුරු විශ්‍රාම යයි… නව අගවිනිසුරු පත් කිරීම අද දහවල්…

colombotoday

කැබිනට් මණ්ඩලය 35කට ඉහළ නැංවීමට එජාපයෙන් යෝජනා

colombotoday