Colombo Today Local News

මැතිවරණ කොමිසම හා දේශපාලන පක්ෂ නියෝජිතයින් ඇවිලේ

මැතිවරණ ක්‍රියාදාමය පවත්වාගෙන යාමේදී මැතිවරණ කොමිෂන් සභාවද කිසියම් නම්‍යශීලිභාවයකින් කටයුතු කළ යුතු බව ශ්‍රී ලංකා නිදහස් පක්ෂ මහ ලේකම් දයාසිරි ජයසේකර මහතා පවසයි.

මැතිවරණ කොමිසම සහ දේශපාලන පක්ෂ නියෝජිතයින් අතර සාකච්ඡාවක් අද (17)දින පෙරවරුවේ රාජගිරියේ පිහිටි මැතිවරණ මහලේකම් කාර්යාල පරිශ්‍රයේදී පැවැත්වුණි.

මෙම සාකච්ඡාවට පොලිස් නිලධාරීන්, සෞඛ්‍ය අංශ නියෝජිතයින් මෙන්ම මැතිවරණ නිරීක්ෂණ සංවිධානවල නියෝජිතයින් ද එක්ව සිටි බව අප වාර්තාකරු පැවසීය.

මහ මැතිවරණයේ මනාප අංක ප්‍රකාශයට පත්කිරීමෙන් අනතුරුව මැතිවරණ කොමිසම දේශපාලන පක්ෂ නියෝජිතයින් හමුවූ පළමු අවස්ථාව මෙය වේ.

මෙහිදී දේශපාලන පක්ෂ කාර්යාලවල අපේක්ෂකයින්ගේ මනාප අංකය සහ ඡායාරූප ප්‍රදර්ශනය කිරීම සම්බන්ධයෙන් දේශපාලන පක්ෂ නියෝජිතයින් සහ මැතිවරණ කොමිසම අතර ඉතා උණුසුම් කථාබහක් සිදුව තිබේ.

මැතිවරණ කොමිසමේ සභාපතිවරයා දේශපාලන පක්ෂවල ඉල්ලීමට කිසියම් එකඟතාවක් පළකර ඇතත් කොමිසමේ සෙසු සාමාජිකයින් දෙදෙනා ඊට කිසිදු එකඟතාවයක් පළකර නොමැති බව වාර්තා වේ.

සියලු දේශපාලන පක්ෂ නියෝජිතයින් මෙම කාරණය දැඩිව අවධාරණය කර ඇති අතර කොමිසමේ සභාපතිවරයා හැර අනෙක් සාමාජිකයින් දෙදෙනා දැඩිව ප්‍රකාශ කර ඇත්තේ මනාප අංක සහ ඡායාරූප පළකිරීම නීත්‍යානුකූලවම සිදුවිය යුතු බවය.

එහෙත් පසුගිය මැතිවරණවලදී මැතිවරණ කොමිසම සහ දේශපාලන පක්ෂ අතර කිසියම් එකඟතාවයකට අනුව මනාප අංක සහ ඡායාරූප ප්‍රදර්ශනය කිරීම සිදුකර ඇති බව ද එම අවස්ථාවට එක්වූ මැතිවරණ නිරීක්ෂණ සංවිධාන පෙන්වා දී ඇත.

Related posts

ජුලි 21 සිට ඔක්ටේන් 92 වර්ගයේ පෙට්‍රල් බෙදාහැරෙන පිරවුම්හල් මෙන්න

colombotoday

කමල් මාලිමාව හැරදා යයි

Admin

“හම්බන්තොට වරාය ආපසු අරන් මිස පස්ස බලන්නෑ” – ඇමැති විජයදාස ආණ්ඩුවට එරෙහි වෙයි

colombotoday

‘කෑම බෙදන්න මම එනකං ඉන්න‘ – ආපදාවට ලක්වූ ජනතාව බඩගින්නේ තබා ගුවනින් ගිය ඇමති !

colombotoday

මොරගහකන්ද ජලාශය ජනපති අතින් අද ජනතා අයිතියට !

colombotoday

“පන්සල, පාසල දියුණු වුණත් සංස්කෘතිය, හැදියාව පිරිහිලා” – සංස්කෘතික නියෝජ්‍ය ඇමති

colombotoday