රුපියල අවප්‍රමාණය වීම පිළිබද වත්මන් රජයට චෝදනා කරන හිටපු ජනාධිපති මහින්ද රාජපක්ෂ මහතාට 2012 වසරේදී සියයට 14 කින් රුපියල අවප්‍රමාණය වූ ආකාරය අමතක වී ඇතැයි මුදල් අමාත්‍ය මංගල සමරවීර මහතා පවසනවා.
අමෙරිකානු ඩොලරයට සාපේක්ෂව රටවල් රැසක මුදල් ඒකක මේ වන විට අවප්‍රමාණය වී ඇති බවයි මුදල් අමාත්‍යවරයා පෙන්වා දෙන්නේ. මාධ්‍යයට විශේෂ ප්‍රකාශයක් සිදු කරමිනුයි මංගල සමරවීර මහතා මේ බව සඳහන් කලේ.
රුපියල අවප්‍රමාණය වීම හේතුවෙන් ගැටලු මෙන්ම සාධනීය තත්වයන්ද නිර්මාණය වී ඇති බවයි මුදල් අමාත්‍යවරයා පෙන්වා දෙන්නේ. ඩොලරය ඉහළ යාම හේතුවෙන් විදෙස්ගත ලාංකිකයන්ට ප්‍රතිලාභ හිමිවන බවද හෙතෙම සදහන් කර සිටියා.