මහා සංඝරත්නයේ ආශීර්වාදය නොලද ව්‍යවස්ථාවක් පාර්ලිමේන්තුවට ඉදිරිපත් නොකරන ලෙසත් නව ව්‍යවස්ථාවක් අවශ්‍ය නම් මහා සංඝරත්නයේ නියෝජනය ද ඇතුළත් ව්‍යවස්ථා සම්පාදන කමිටුවකට එය භාරකරන ලෙසත් බුද්ධ ශාසන කාර්ය සාධක මණ්ඩලය විශේෂ ප්‍රකාශයක් නිකුත් කරමින් කියා සිටී.
එහි සභාපති දිවියාගහ යසස්සී නා හිමියන් ,අග්ගමහා පණ්ඩිත කොටුගොඩ ධම්මාවාස, ආචාර්ය ඉත්තෑපානේ ධම්මාලංකාර, දොඩම්පහළ චන්ද්‍රසිරි මහ නා හිමිවරුන්, බුද්ධ ශාසන කාර්ය සාධක මණ්ඩලයේ මහලේකම්වරුන් වන තිරිකුණාමලේ ආනන්ද මහ නා හිමියන් හා මහාචාර්ය අගලකඩ සිරිසුමන නා හිමියන්, වැලමිටියාවේ කුසලධම්ම, බලංගොඩ සෝභිත, අකුරැටියේ නන්ද නා හිමිවරුන්, ජ්‍යෙෂ්ඨ මහාචාර්ය කන්දේගොඩ විමලධම්ම අනු නා හිමියන්, සීලගම විමල හිමියන්, සිරි වජිරාරාමයේ ඤාණසීහ හිමියන් ඇතුළු මහා සංඝරත්නය මෙම ප්‍රකාශයට අත්සන් තබා ඇත.
ඊට අමතරව සමස්ත ලංකා බෞද්ධ මහා සම්මේලනයේ සභාපති ජගත් සුමතිපාල, සම්මානනීය සාමාජිකයින් වන චන්ද්‍ර නිමල් වාකිෂ්ඨ, සුරේන් අභය ගුණසේකර, ධර්ම විජය පදනමේ සභාපති සුමේධ අමරසිංහ, තරුණ බෞද්ධ සංගමයේ උප සභාපති කුසුම් බන්දු සමරවික්‍රම, පරම විඥානාර්ථ බෞද්ධ සංගමයේ සභාපති එස්.පී වීරසේකර, ශාසන සේවක සමිතියේ උපසභාපති ආචාර්ය ජයන්ත වත්තේවිදාන, සමස්ත ලංකා බෞද්ධ කාන්තා සම්මේලනයේ සභාපති ජීවනී සුගුණදාස, රාජ්‍ය සේවා බෞද්ධ සංගමයේ සභාපති එම්.කේ.බී දිසානායක, බෞද්ධ නීතීඥ සංගමයේ නියෝජිත ජනාධිපති නීතීඥ මනෝහර ද සිල්වා, බෞද්ධ සහයෝගිතා කේන්ද්‍රයේ සභාපතිනි ආචාර්ය හේමා ගුණතිලක, මහාබෝධි සංගමයේ උප සභාපති වසන්ත ද සිල්වා, කොළඹ ජයග්‍රහණය සංගමයේ සභාපතිති විශේෂඥ වෛද්‍ය අනුලා විජේසුන්දර, දම්රිවි පදනමේ සභාපති සභාපති මහාචාර්ය අසංග තිලකරත්න, බෞද්ධ නීතීඥ සංගමයේ නියෝජිත ජනාධිපති නීතීඥ ප්‍රසන්න ලාල් ද අල්විස්, කමිටු සම්බන්ධීකාරක පානි වෑවල, සම්මානනීය සාමාජික එච්.ඩබ්ලිව් ආරියවංශ යන ගිහි බෞද්ධ සංගම් නියෝජනය කරන මහත්ම මහත්මීන් ඇතුළු 29 දෙනෙකුගේ අත්සනින් යුතුව නිකුත් කර ඇති මෙම ප්‍රකාශයේ මෙසේ ද සඳහන් වේ.
