Colombo Today Local News

මන්ත්‍රීවරුන්ගේ තොරතුරු 20 පෙර ලබා දෙන්නැයි පාර්ලිමේන්තු මහ ලේකම් ඉල්ලයි

මෙවර මහ මැතිවරණයෙන් තේරීපත්වූ පාර්ලිමේන්තු මන්ත්‍රීවරුන්ට සිය තොරතුරු ලබාදීමට ලබාදී තිබූ කාලය අදින් (15) අවසන් වේ.

පාර්ලිමේන්තුවට තේරීපත් වී මෙතෙක් සිය තොරතුරු ලබා දී නොමැති සියලු මන්ත්‍රීවරුන් අද දිනයේ අදාළ තොරතුරු ලබාදීමට කටයුතු කළ යුතු බව පාර්ලිමේන්තු මහ ලේකම් ධම්මික දසනායක මහතා පවසයි.

රට තුළ පවතින කොවිඩ් නයින්ටීන් වසංගත තත්ත්වය හේතුවෙන් මන්ත්‍රිවරුන්ගේ තොරතුරු ඔන්ලයින් ක්‍රමය මගින් ලබා ගැනිමට පසුගියදා තීරණය කළේය.

ඒ අනුව, පසුගිය 11 වනදා සිට ඔන්ලයින් ක්‍රමය යටතේ අදාළ තොරතුරු ලබා ගැනිම ආරම්භ කළ බව මහ ලේකම්වරයා සඳහන් කළේය.

එහෙත් ඊයේ (14) දිනය වන විට අදාළ තොරතුරු ලබාදී ඇත්තේ මන්ත්‍රීවරුන් 190 දෙනෙකු පමණ බව ද පාර්ලිමේන්තු මහ ලේකම් ධම්මික දසනායක මහතා සඳහන් කළේය.

ලබන 20 වනදා මන්ත්‍රීවරුන් දිවුරුම්දීමට නියමිතව ඇති අතර ඊට අදාළ තොරතුරු අත්‍යාවශ්‍ය වන බව ඔහු පවසයි.

එබැවින් සිය තොරතුරු මෙතෙක් ලබාදී නොමැති මන්ත්‍රීවරුන් අද දිනය තුළ තොරතුරු ලබාදීමට කටයුතු කරන ලෙස පාර්ලිමේන්තු මහ ලේකම්වරයා දැනුම් දෙයි.

Related posts

පොලිස් නිලධාරීන්ට දිනපතා ව්‍යායාම කරන ලෙස දන්වයි

Admin

ඇමති ගයන්ත හිටපු ආරක්ෂක ලේකම් ගෝඨාභය හමුවේ

colombotoday

කංජිපානි සහ ලොකු පැටී අත්අඩංගුවට?

Admin

පෙට්‍රල් – බොරතෙල් ගොඩබෑම අද අරඹයි

colombotoday

කෝටි 40කට අධික වටිනා රත්තරන් රේගුවේදී අල්ලයි

Admin

රජයෙන් වතු පවුල් වලට මාසිකව තිරිඟු පිටි කිලෝ 15ක් සහන මිලකට

colombotoday