බස්නාහිර පළාත් සභාවේ පිවිසුම් දොරෙහි වටිනාකම රුපියල් අසූ තුන් ලක්ෂ හැත්තෑ හය දහසක්(8376000) බව බස්නාහිර පළාත් ප්‍රධාන අමාත්‍ය ඉසුර දේවප්‍රිය මහතා සඳහන් කරයි.
බස්නාහිර පළාත් සභාවේ පිවිසුම් දොරෙහි වටිනාකම සහ එහි ටෙන්ඩර් පටිපාටිය සම්බන්ධව ජනතා විමුක්ති පෙරමුණේ බස්නාහිර පළාත් සභා මන්ත්‍රී ලක්ෂ්මන් නිපුනආරච්චි මහතා, අද (18) පැවති බස්නාහිර පළාත් සභා රැස්වීමේදී යොමුකළ ප්‍රශ්නයකට පිළිතුරු ලබා දෙමින් ඉසුර දේවප්‍රිය මහතා මේ බව ප්‍රකාශ කළේය.
දැනට ලැබී ඇති වාර්තා අනුව දොර වෙනුවෙන් ගෙවා ඇති වටිනාකම් රුපියල් 83 76 000ක් වන බවත් සම්පූර්ණ ඉදිකිරීම් කටයුතු වෙනුවෙන් තවත් අමතර මුදලක් ගෙවන්නට සිදුවේ දැයි ලක්ෂ්මන් නිපුනආරච්චි මහතා වැඩිදුර විමසා සිටි අතර තවත් අමතර මුදලක් වැය නොවන බව ප්‍රධාන අමාත්‍යවරයා පැවසීය.
බස්නාහිර පළාත් සභාවේ ඉදිකිරීමට නියමිත දොරෙහි ඇස්තමේන්තුගත වටිනාකම රුපියල් 72 00 000ක් වන අතර ඒ සඳහා මේ වනවිට රුපියල් 83 76 000ක වියදමක් දරා ඇත.