තමා වනජීවී අමාත්‍යාංශය බාරගත් පසු රිෂාඩ් බදියුදීන් ඇමතිවරයාට බිම් අගලක්වත් ලබා දි නැති බව වනජීවී ඇමති ජෝන් අමරතුංග මහතා පවසයි.
විල්පත්තු රක්ෂිතයේ එළිකිරීම් සිදුවූයේ පසුගිය ආණ්ඩු සමයේ බවත් එනිසා බදියුදීන් ඇමතිවරයාට චෝදනා කිරීම වැරදි බවත් හෙතෙම කියා සිටී.
විල්පත්තු රක්ෂිතයේ සිදුවන වන විනාශය පිළිදව අද පාර්ලිමේන්තුවේදී ඇතිවූ උණුසම් තත්තවය හමුවේ අදහස් දක්වමින් ඇමතිවරයා මේ බව කියා සිටියේය.
එහිදී අදහස් දක්වමින් සභානායක ලක්ෂ්මන් කිරිඇල්ල මහතා සදහන් කළේ මෙම ඉඩම් නිදහස් කර ඇත්තේ 2012 දී බවත් එය වැරදි යැයි තමන් නොකියනා බවත්, බදියුදීන් ඇමතිවරයාට චෝදනා කිරීම සුදුසු නොවන බවත්ය.