Colombo Today Local News

බත්තරමුල්ලේ බන්ටි පොලිස් දැලේ පැටලෙයි

පාතාල කල්ලි සාමාජික “අංගොඩ ලොක්කා”ගේ සමීපතමයෙකු ලෙස සැලකෙන බත්තරමුල්ලේ බන්ටි නැමැත්තා තලංගම පොලිසිය මගින් අත්අඩංගුවට ගෙන තිබේ.

සැකකරු ඔහුගේ නිවසේදී අත්අඩංගුවට ගෙන ඇත්තේ හෙරොයින් ග‍්‍රෑම් 07 ක් සහ හෙරොයින් ජාවාරමෙන් උපයාගත් බවට සැක කෙරෙන රුපියල් 54,000 ක මුදල් ද සමගයි. මෙම සැකකරු රාජගිරිය, බත්තරමුල්ල, තලංගම සහ අවට ප‍්‍රදේශවල මත්කුඩු ජාවාරමේ නිරත වී ඇති බවටයි පොලිසිය තොරතුරු අනාවරණ කරගෙන ඇත්තේ.

සැකකරුගේ නිවස වටලන අවස්ථාවේ එහි සිටි තවත් පුද්ගලයින් තුන්දෙනෙකු ද තලංගම පොලිසියේ නිලධාරීන් විසින් අත්අඩංගුවට ගෙන තිබේ. ඔවුන් බත්තරමුල්ලේ බන්ටි නැමැති සැකකරුගේ මත්කුඩු ජාවාරම්වලට සහය දුන් අය බවට සැක කෙරේ.

බත්තරමුල්ලේ බන්ටි නැමැත්තා, පුද්ගල ඝාතන, වෙඩි තැබීම් ඇතුළු සිද්ධීන් කිහිපයකට සම්බන්ධ අය බව ද පොලිසිය පවසයි.

පාතාල සාමාජික සමයං ඝාතන සිද්ධියේ සැකකරුවෙකු වන ඔහු වසර දෙකක පමණ කලයක් රක්ෂිත බන්ධනාගාරගතව සිට මීට මාස 06 කට පමණ පෙර ඇප මත නිදහස් වූ අයෙකු බව ද පොලිසිය වැඩිදුරටත් සඳහන් කරයි.

Related posts

කොරෝනා එන්නත් එක් මාත්‍රාවකින් ආරක්ෂා වෙන්න පුළුවන් දින 90යි

colombotoday

උද්ඝෝෂකයෝ ලෝටස් පාර වසති – දැඩි වාහන තදබදයක්

Admin

ආර්ථිකය ගොඩ ගන්න ඇමරිකානු සමාගමක් ගෙන්වයි.. ඩොලර් මිලියන 3ක් ගෙවන්න කැබිනට් අනුමැතිය

colombotoday

වරායේ සේවකයින් ආරම්භ කළ උපවාසය තවදුරටත්

colombotoday

මුව අවාරණ නැතිව විල්බැරෝවෙන් සුපර් මාකට් ගිය හොමඩ් අජ්වාද් අත්අඩංගුවට

colombotoday

දේශීය කුකුළු කර්මාන්තකරුවන්ගේ එකඟතාවයන් කුකුළු මස් – බිත්තර අඩු කරන යෝජනාවක්

Admin