ස්කොට්ලන්යාඩ් පොලිසිය විසින් පවත්වන සතියක විශේෂ පුහුණුවක් වෙනුවෙන් පොලිස්පති පුජිත් ජයසුන්දර මහතා ඇතුළු පිරිසක් ලබන 29 වැනිදා ස්කොට්ලන්තය බලා පිටත්ව යාමට නියමිතව ඇති බව වාර්තා වේ.
මෙම පුහුණුව ලබන මස 01 වැනි දින සිට 06 වැනි දින දක්වා පැවැත්වෙන අතර ඒ සදහා රාජ්‍ය පාරිපාලන සහ නීතිය සාමය පිළිබඳ නියෝජ්‍ය අමාත්‍ය නලීන් බණඩාර, එම අමාත්‍යාංශයේ ලේකම් පද්මසිරි ජයමාන්න, පොලිස්පති පුජිත් ජයසුන්දර, අමාත්‍යාංශයේ ජ්‍යෙෂ්ඨ සහකාර ලේකම් මාලිකා සුරියප්පෙරුම, ජ්‍යෙෂ්ඨ පොලිස් අධිකාරි මහේෂ් සේනාරත්න යන මහත්ම මහත්මීන් මේ සදහා සහභාගි වීමට නියමිත බව වාර්තා වේ.
බ්‍රිතාන්‍ය රජෙයන් ශ්‍රී ලංකා පොලිසියට කළ ඇරයුමකට අනුව මෙම පිරිස වැඩමුළුවට සහභාගි වන අතර ශ්‍රී ලංකා පොලිසියේ ප‍්‍රතිසංස්කරන කටයුතු හා ප‍්‍රජා පොලිස් ඒකකය බලගැන්වීම සදහා මෙම වැඩමුළුව පැවැත්වෙන් බව පැවසේ.
පොලිස්පත් පූජිත ජයසුන්දර මහතාගේ ගිණුමකට ප්‍රසිද්ධ පාසලකින් මුදල් ලැබීම සම්බන්ධයෙන් සහ පොලිස්පතිවරයා ලෙස ඔහුගේ ප්‍රශ්නසහගත හැසිරීම සම්බන්ධයෙන් ඔහුට සමාජයෙන් දැඩි චෝදනා එල්ලවී තිබේ.