Colombo Today Local News

පුදුකුඩිඉරිප්පුවෙන් අත්බෝම්බ 18 ක් සොයාගනියි

නාවික හමුදාව සහ පොලිස් විශේෂ කාර් ය බළකා නිළධාරීන් එක්ව පුදුකුඩිඉරිප්පු ප්‍රදේශයේ සිදු කළ සෝදිසි මෙහෙයුමකදී පොළොව යට සඟවා තිබූ ජීව අත් බෝම්බ දහඅටක් සොයා ගෙන ඇති බව නාවික හමුදාව පවසයි.

නාවික හමුදාව පැවසූවේ පුදුකුඩිඉරිප්පු ප්‍රදේශය කේන්ද්‍ර කරගනිමින් ශ්‍රී ලංකා නාවික හමුදාව සහ පොලිස් විශේෂ කාර්ය බලකාය 29 වැනි දින සිදු කරන ලද ඒකාබද්ධ සොදිසි මෙහෙයුමකදී ‍ මාර්ගයක් අසල පොලොව යට සඟවා තිබූ ජීවී අත් බෝම්බ දහ අටක් සොයා ගත් බවයි.

සොයා ගන්නා ලද අත් ‍බෝම්බ අතර එස්එෆ්ජී 87 (SFG 87) වර්ගයේ ජීවී අත් බෝම්බ 16 ක් සහ එම් 75 (M 75) වර්ගයේ ජීවී අත්බෝම්බ දෙකක් තිබූ අතර, මෙම ජීවී අත්බෝම්බ යුද සමයේදී පලා ගිය එල්ටීටීඊ සාමාජිකයින් විසින් මෙලෙස සඟවා තබා යන්නට ඇතැයි සැක පල කරයි.

සොයා ගන්නා ලද ජීවී අත්බෝම්බ දහ අට විමර්ශන කටයුතු සඳහා කිලිනොච්චි පොලිස් විශේෂ කාර්ය බලකායේ බෝම්බ නිශ්ක්‍රීය අංශය වෙත ලබා දීමට කටයුතු කළ බවද නාවික හමුදාව පැවසූහ.

Related posts

ඇසළ පුන් පොහෝ දිනය අදයි

colombotoday

“උතුර, නැගෙනහිර එක්කර ෆෙඩරල් ඕන” – විග්නේෂ්වරන්ගෙන් නව ව්‍යවස්ථාවට නිර්දේශ 3ක්

colombotoday

ගස් කපන කියතකින් කකුල් දෙක කපා පුද්ගලයෙකු ඝාතනය කරලා

colombotoday

රවී පාර්ලිමේන්තුවට

Admin

මහනුවර රාත්‍රී වෙළදපොළ බෝගම්බර ක්‍රීඩාංගන පරිශ්‍රයේදී

colombotoday

ශ්‍රී ලංකා පොදුජන පෙරමුණේ අපේක්ෂක ප්‍රේමලාල් ජයසේකර ඇතුළු තිදෙනෙකුට මරණ දඬුවම නියම කෙරේ

colombotoday