Colombo Today Local News

පාරවල් මාරු වෙයි, කොළඹ ගමන් අලුත් වෙයි.

දිනෙන් දින උග‍්‍රවන කොළඹ නගරයේ රථ වාහන තදබදය අවම කර ගැනීම සඳහා නව සැලැස්මක් කි‍්‍රයාවට නැංවීමට පොලීසිය තීරණය කර තිබෙනවා.

එම රථ වාහන සැලැස්ම පළමුව කි‍්‍රයාත්මක වන්නේ රාජගිරිය සහ මහරගම යන ප‍්‍රදේශවලයි.

එය ලබන සඳුදා සිට කි‍්‍රයාත්මක බවයි රථ වාහන සහ මාර්ග ආරක්ෂාව පිළිබඳ නියෝජ්‍ය පොලිස්පති අමරසිරි සේනාරත්න මහතා පැවසුවේ.

රාජගිරිය ප‍්‍රදේශයේ නව රථවාහන සැලැස්ම කි‍්‍රයාත්මක වන්නේ සතියේ දිනවල පෙරවරු 7 යි 30ට සිට පෙරවරු 8 යි 45 දක්වා වූ කාලය තුළයි.

මහරගම නගරය ආශි‍්‍රත රථ වාහන සැලැස්ම සතියේ දිනවල රාතී‍්‍ර අට දක්වා සිදු කිරීමටයි පොලිසිය සැලසුම් කර ඇත්තේ.

රථ වාහන සහ මාර්ග ආරක්ෂාව පිළිබඳ නියෝජ්‍ය පොලිස්පති අමරසිරි සේනාරත්න මහතා කියා සිටියේ වර්තමානයේ කොළඹ නගරයේ රථ වාහන තදබදයට ප‍්‍රධාන හේතුවක් වී ඇත්තේ නීති කඩ කරන රියැදුරන් බවයි.

ඔහු මේ බව ප‍්‍රකාශ කළේ දෙල්කඳ මංසන්ධිය ආශි‍්‍රතව පවතින රථ වාහන තදබදය උදාහරණයට ගනිමින්.

අවිනීත රියැදුරන් හේතුවෙන් සිදුවන අනතුරුවල පවා ඉහළ යාමක් පෙන්නුම් කරන බවයි එ් මහතා සඳහන් කළේ.

කොළඹ නගරයේ පවතින රථ වාහන තදබදය අවම කිරීම සඳහා මහරගම සහ රාජගිරිය ආශි‍්‍රතව කි‍්‍රයාත්මක නව රථවාහන සැලැස්මේ පෙරහුරුවක් හෙට (10) සහ අනිද්දා (11) දිනයේ සිදු කෙරෙනවා.

වැලිකඩ ප‍්‍රදේශයේ රථ වාහන පෙරහුරුව හෙට (11) සහ අනිද්දා (12) දෙදින පෙරවරු 10.30 සිට 11.30 දක්වා සිදු කෙරෙනු ඇති.

මහරගම ප‍්‍රදේශයේ රථ වාහන පෙරහුරුව සිදු කෙරෙන්නේ ලබන ඉරිදා පෙරවරු 9.10 දක්වායි.



Related posts

නව ව්‍යවස්ථාව අත්හරින්න – මහා නාහිමිවරු ඇතුළු සියක් නමකගෙන් ජනපතිට – අගමැතිට ලිපියක්

colombotoday

විහාරස්ථානයක් තුළදී දරුවෙකු අපයෝජනය කළ චිත්‍ර ශිල්පියාට වසර 36ක බරපතළ වැඩ සහිත සිර දඬුවමක්

colombotoday

මැණික් ව්‍යාපාරික තරුණයෙකුගේ සිරුර තානායමේ තිබී හමුවෙයි

colombotoday

මත්පැන් සාදයේදී නාවික භටයෙක් තවත් නාවික භටයෙක්ව මරලා

Admin

20 වැනිදා තෙක් සිපෙට්කෝ ෂෙඩ්වලට එන්න එපා – ඉන්ධන පිරවුම්හල් හිමියන්ගේ සංගමය දැනුම් දෙයි

colombotoday

පුංචි ඡන්දෙට නාම යෝජනා කැඳවීමේ ගැසට් නිවේදනය ජනවාරියේ

Admin