ඇහැලියගොඩ දි පවත්වන ලද රනිල් වික්‍රමසිංහගේ ප්‍රචාරක රැලියට එම ආසනයෙන් ඉතා අවම පිරිසක් සහභාගී කර ගත හැකි වී ඇති අතර ඒ සම්බන්ධයෙන් සිරිපාල කිරිඇල්ල සහ පවිත්‍රා වන්නිආරච්චි අතර එකිනෙකා පිට වගකීම පැවරීමේ සීතල යුද්ධයක් ආරම්භ වී ඇති බව වාර්තා වේ.
එම රැලියට ඇහැලියගොඩ ආසනය තුළින් 400ත් 500ත් අතර පිරිසක් සහභාගී වී ඇති බව බුද්ධි අංශ වාර්තාවලින් දක්වා තිබේ. ජනතාව වැඩි පිරිසක් බලංගොඩ ආසනයේ වතු ජනතාව අතරින් ප්‍රවාහනය කර ඇති බවත් එම වාර්තාවල සඳහන් බව හෙළි වේ.
සමස්තයක් ලෙස අඩු පිරිසක් සහභාගී වීම පිළිබඳව එම රැලියේ සම සංවිධායකියන් වන පවිත්‍රා වන්නිආරච්චි සහ සිරිපාල කිරිඇල්ල යන දෙදෙනොටම රනිල් වික්‍රමසිංහගේ අප්‍රසාදය පළ වී ඇත.