මැතිවරණයක් ප‍්‍රකාශ කර තිබියදී නීති විරෝධී ලෙස සමෘද්ධි හිමිකම් පත‍්‍ර බෙදා දීමට සැරසෙන බවට ලැබුණු පැමිණිල්ලකට අනුව පෙරේදා (19) සමෘද්ධි අධිකාරියට ගිය මැතිවරණ කොමිසමේ නිලධාරීන් පිරිසක් ජනාධිපතිවරණයෙන් පසුව සමෘද්ධි ආධාර ලබා දෙන බව පවසා සකස් කරමින් සමෘද්ධි හිමිකම් පත‍්‍ර ලක්‍ෂ අටක ප‍්‍රමාණයක් සොයාගෙන තිබේ.
මැතිවරණ කොමිසමේ නිලධාරීන් එහි යන විට එම ස්ථානයේ විෂය භාර ඇමැති දයා ගමගේ මහතා සහ සමාද්ධි අධිකාරියේ අධ්‍යක්‍ෂ ජනරාල්වරයාද සිට ඇත.
සමෘද්ධි හිමිකම් සඳහා තෝරාගෙන ඇති බවත් ජනාධිපතිවරණයෙන් පසුව අදාළ දීමනා ලබා දෙන බවත් එම හිමිකම් පත‍්‍රවල සටහන්ව තිබී ඇත.
මෙම හිමිකම් පත‍්‍ර තොගය හමුවීමත් සමග මැතිවරණ කොමිසමේ නිලධාරීන් එම හිමිකම් පත‍්‍ර ලබාදීම තාවකාලිකව නතර කිරීමට පියවර ගෙන තිබේ.