නැගෙනහිර චීනයේ, ෆුජියැන් පළාතේ පිහිටි තෙල් පිරිපහදුවක ගින්නක් හටගෙන තිබේ.
සිදුවීමෙන් සේවකයන් දෙදෙනෙකුට තුවාල සිදුව ඇති අතර තවත් දෙදෙනෙක් අතුරුදන්ව ඇතැයි ද සඳහන් වේ.
නඩත්තු කටයුත්තක් අතරතුර දී ගින්න හටගෙන ඇති බව මූලික විමර්ශනවලින් හෙළි වී ඇත.
තුවාල ලැබූවන් ප්‍රතිකාර සඳහා රෝහල්ගත කර ඇති බවත් සඳහන් වේ.
ගින්න හේතුවෙන් තෙල් පිරිපහදුව අවට වෙසෙන ජනතාව ආරක්ෂිත ස්ථානවලට යැවීමටත් බලධාරීන් පියවර ගෙන තිබුණි.
ගින්න පාලනය කිරීම සඳහා ගිනි නිවීම් සේවකයන් සියයකට වැඩි පිරිසක් යෙදවීමටත් සිදු වූ බව වාර්තා වේ.