නාවික හමුදාපති වයිස් අද්මිරාල් පියල් ද සිල්වා මහතා අද්මිරාල් ධුරයට උසස් කර තිබේ.
ජනාධිපති ගෝඨාභය රාජපක්ෂ මහතා විසින් අදාළ උසස්වීම් සිදුකර ඇති බව නාවික හමුදා මාධ්‍ය ප්‍රකාශක ලුතිනන් කමාන්ඩර් ඉසුර සූරියබණ්ඩාර මහතා සඳහන් කළේය.
අද (14)දින සිට ක්‍රියාත්මක වන පරිදි පියල් ද සිල්වා මහතා අද්මිරාල් ධුරයට උසස් කර තිබේ.
ශ්‍රී ලංකා නාවික හමුදාවේ 23 වන නාවික හමුදාපතිවරයා වන අද්මිරාල් පියල් ද සිල්වා මහතා වසර 36ක සේවා කාලයක් නිමකරමින් හෙට දිනයේ සිය ධුරයෙන් විශ්‍රාම ගැනීමට නියමිතය.
ඒ අනුව අද දිනයේ දී නාවික හමුදාපතිවරයා සිය ධුරයෙන් විශ්‍රාම ගැනීම සනිටුහන් කරමින් ජනාධිපති ගෝඨාභය රාජපක්ෂ මහතා නිල වශයෙන් මුණගැසීමට නියමිතව තිබේ.
මීට අමතරව අද දිනයේ දී නාවික හමුදාපතිවරයා, යුධ හමුදාපතිවරයා, ගුවන් හමුදාපතිවරයා සහ පොලිස්පතිවරයා මුණගැසී සාකච්ඡා කිරීමට නියමිතයි.
අද්මිරාල් පියල් ද සිල්වා මහතා ඊයේ (13) දිනයේදී අග්‍රාමාත්‍ය මහින්ද රාජපක්ෂ මහතා සමග සහ ආරක්ෂක ලේකම් විශ්‍රාමික මේජර් ජනරාල් කමල් ගුණරත්න මහතා මුණගැසුණි.