Colombo Today Local News

දේශපාලන පක්ෂ ලියාපදිංචි කිරිමේ පළමු අදියරේ සම්මුඛ පරික්ෂණ අවසන්වෙයි

දේශපාලන පක්ෂ ලියාපදිංචි කිරිමේ පළමු අදියරේ සම්මුඛ පරික්ෂණ අවසන් වී තිබේ.

මෙම වසරට අදාළව දේශපාලන පක්ෂ 150කට වැඩි සංඛ්‍යාවක් මැතිවරණ කොමිෂන් සභාවේ ලියාපදිංචි විම සඳහා ඉල්ලුම්පත් යොමු කර ඇත.

ඉන් 40ක් පමණ මූලික සුදුසුකම් සපුරා නොතිබීම හේතුවෙන් පළමු අවස්ථාවේදී ම ඉවත් කළ බව මැතිවරණ කොමිෂන් සභාව සඳහන් කළේය.

කෙසේවෙතත් සෙසු අයදුම්පත්‍රවලට අදාළව පළමු අදියරේ සම්මුඛ පරික්ෂණ පෙරේදා (29) දිනයෙන් අවසන් වී තිබේ.

ඒ අනුව දෙවන වටයේ සම්මුඛ පරික්ෂණ ඉදිරි දිනවලදී පැවැත්වෙන අතර ඉන් පසුව මැතිවරණ කොමිෂන් සභාව රැස්වී දේශපාලන පක්ෂ ලියාපදිංචිය සඳහා අවශ්‍ය ඉදිරි කටයුතු සිදුකරනු ඇත.

දේශපාලන පක්ෂ ලියාපදිංචි කිරිම සඳහා ප්‍රධාන කරුණු කිහිපයක් සලකා බැලෙන අතර පසුගිය වසර 04ක කාලය තුළ පක්ෂයක් ලෙස දේශපාලන කටයුතුවල නිරතව තිබීම මෙහි ප්‍රධාන කරුණ ලෙස සැලකෙයි.

මීට අමතරව වසර 04ක විගණන වාර්තා ඉදිරිපත් කිරීම, වාර්තා ඉදිරිපත් කිරීම සහ ජාතික තලයේ ගැටලුවලට මැදිහත්විම වැනි කරුණු සලකා බලන බව මැතිවරණ කොමිෂන් සභාව සඳහන් කළේය.

මේ අතර මේ වන විට දේශපාලන පක්ෂ 70ක් මැතිවරණ කොමිෂන් සභාව තුළ ලියාපදිංචි කර තිබේ.

Related posts

ලෝක කාන්තා දින ජාතික උත්සවය ඇමති සාගලගේ ප්‍රධානත්වයෙන්

colombotoday

කොමිසමේ වාර්තාවෙන් පසුව පාස්කු ප්‍රහාරයට සම්බන්ද පුද්ගලයන්ට නඩු පැවරීමට තීරණයක්

colombotoday

කරන්නාගොඩ චෝදනාවලින් නිදහස් කළේ, රහස්‍ය වාර්තාවක් පදනම් කර ගෙනයි – නීතිපති

colombotoday

පොලිස් මාධ්‍ය කොට්ඨාසය අහෝසි කරයි

colombotoday

පාචනය සහ අතීසාරය වැනි රෝග ව්‍යාප්ත වීමේ අවදානමක්

Admin

බෙලිඅත්ත රේල් පාර හැදුවෙ අපි, මහින්ද නම දාගන්න හදනවා…

colombotoday