මාඔයට ජලය ගලා බසින දියහොද ඇල පිටාර ගැලීමෙන් මරදගොල්ල ග්‍රාම සේවා වසමේ ජීවත් වන පවුල් 30 කට අයත් පුද්ගලයින් 120 දෙනෙකු පමණ අවතැන් වී ඇත. පොලිසිය පැවසුවේය ඔවුන් මේ වන විට ආරක්ෂිත ස්ථාන වෙත යොමු කර ඇති බවයි.
රුවන්වැල්ල, ගුරුගොඩ ඔය සහ ඊට සම්බන්ධ සියළු ඇල මාර්ගවල ජලය පිටාර ගැලීමෙන් ජල ගැලීම් තත්ත්වයක් හටගෙන ඇති හේතුවෙන් කෑගල්ල – අවිස්සාවේල්ල ප්‍රධාන මාර්ගයේ කොටියාකුඹුර ඉන්ධන පිරවුම්හල, මත්තමගොඩ සහ තලොවිට ප්‍රදේශ අසල මාර්ගය ජලයෙන් යට වීඇති බව පොලිසිය පැවසුවේය.
මේ අතර මා ඔයේ ජල මට්ටම ඉහල යාම හේතුවෙන් ගිරිඋල්ල,මරදගොල්ල ප්‍රදේශයේ සුළු ගංවතුර තත්ත්වයක් ඇති විය හැකි බව වාරිමාර්ග දෙපාර්තමේන්තුව පවසයි.
තවදුරටත් වර්ෂාපතනය පැවතියහොත් ගිරිඋල්ල – කුරුණෑගල මාර්ගය ගිරිඋල්ල පොලිසිය ආසන්නයෙන් යටවිය හැකි බවත් මා ඔය අවට පහත් බිම්වල ජනතාව අවධානයෙන්පසුවන ලෙස වාරිමාර්ග දෙපාර්තමේන්තුව දැනුම්දෙයි.